ରେସିପି ଫର୍‍ ଛପନ ଭୋଗ

ସୂଚୀପତ୍ର

ଅଦା ହେଙ୍ଗୁ ଖେଚେଡ଼ି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରାଣାଳୀ :

ପ୍ରଥମେ ଚୁଲିରେ ପାଣି ବସାନ୍ତୁ । ତା ପରେ ଚାଉଳ, ବୁଟ ଡଲି ଓ ମୁଗ ଡଲି କୁ ଏକାଠି ଭଲ ଭାବରେ ଧୋଇ ପାଣିରେ ପକାନ୍ତୁ । ଚାଉଳ ଅଧା ଫୁଟିଯିବା ପରେ ଅଦା ଛେଚି ପକାନ୍ତୁ । ହେଙ୍ଗୁ ଟିକେ ପାଣି କରି ପକାନ୍ତୁ । ଗୋଟା ଜିରା ପକାନ୍ତୁ । ଲୁଣ ପରିମାଣ ଅନୁସାରେ ପକାନ୍ତୁ । ଖେଚେଡ଼ି ପୁରା ହୋଇଗଲେ ଘିଅ ଦେଇ ଗୋଳେଇ ଓହ୍ଲାଇ ଦେବେ । ଓହ୍ଲାଇ ସାରି ଧନିଆ ପତ୍ର ପକାଇ ଘୋଡ଼ାଇ ଦେବେ ।

ପ୍ରସ୍ତୁତ :

ଏବେ ଖେଚେଡ଼ି ପ୍ରସ୍ତୁତ ହୋଇଗଲା । ନିଜେ ଖାଆନ୍ତୁ ଓ ଖୁଆନ୍ତୁ । ଅଦା ହେଙ୍ଗୁ ଖେଚେଡ଼ି ମହାପ୍ରଭୁ ଜଗନ୍ନାଥଙ୍କର ଏକ ପ୍ରଧାନ ଖାଦ୍ୟ । ପ୍ରଭୁଙ୍କର ଛପନ ଭୋଗ ମଧ୍ୟରେ ଏହା ଅନ୍ତର୍ଭୁକ୍ତ ।

ଡାଲମା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଡାଲିକୁ ଧୋଇ ଚୁଲୀରେ ବସାନ୍ତୁ । ଡାଲି ଫୁଟି ଆସିଲେ ଆବଶ୍ୟକ ପରିମାଣର ହଳଦୀ ଗୁଣ୍ଡ ପକାନ୍ତୁ । ତାପରେ ପରିବା ଗୁଡ଼ିକ ଛୋଟ ଛୋଟ ଖଣ୍ଡ କରି କାଟି ପକାନ୍ତୁ-। କିଛି ସମୟ ଫୁଟିବ ପରେ ନଡ଼ିଆ କୋରା ପକାନ୍ତୁ । ତା ପରେ ଅଳ୍ପ ଅଦା ଛେଚି ପକାନ୍ତୁ-। ପରିମାଣ ଦେଖି ଲୁଣ ପକାନ୍ତୁ । ପରିବା ସିଝି ଗଲେ ଓହ୍ଲାଇ ଦିଅନ୍ତୁ । ତା ପରେ କଢ଼ାଇରେ ଘିଅ ଗରମ କରି ତେଜପତ୍ର ଫୁଟଣ ପକାନ୍ତୁ । ଫୁଟି ଆସିଲେ ବାକି ଅଦା ଛେଚା ପକାନ୍ତୁ । ତାପରେ ଡାଲମା ଓଜାଡ଼ି ବଘାରନ୍ତୁ । ଜିରା ଗୁଣ୍ଡ ଦେଇ ଧନିଆ ପତ୍ର ଓ ନାଡ଼ି ପକାଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ଡାଲମା ପ୍ରସ୍ତୁତ ହୋଇଗଲା । ପରଷନ୍ତୁ ଓ ନିଜେ ଖାଇ ଦେଖନ୍ତୁ । ଖେଚେଡ଼ି ପରି ଏହା ପ୍ରଭୁ ଜଗନ୍ନାଥଙ୍କର ଏକ ପ୍ରଧାନ ଖାଦ୍ୟ ।

ପୋଟଳ ରସା

ଆବଶ୍ୟକ ସାମଗ୍ରୀ :

ପ୍ରସ୍ତୁତ ପ୍ରଣାଳୀ :

ପ୍ରଥମେ ପୋଟଳ ଗୁଡ଼ିକୁ ଧୋଇ ୨ ଖଣ୍ଡ କରି କାଟି ଛାଣି ରଖନ୍ତୁ । ନଡ଼ିଆ ଫାଳକୁ କୋରି ଚିକ୍କଣ କରି ବାଟି ଦିଅନ୍ତୁ । ଜିରା ଧନିଆକୁ ମଧ୍ୟ ବାଟି ରଖନ୍ତୁ । କଡ଼ାଇରେ ଘିଅ ଗରମ କରି ତେଜପତ୍ର ପକାନ୍ତୁ । ଜିରା, ଧନିଆବଟା ପକାଇ କଷନ୍ତୁ । ହଳଦି ଗୁଣ୍ଡ ପକାଇ ଟିକେ ଭାଜନ୍ତୁ-। ପୋଟଳ ଛଣା ଗୁଡ଼ିକ ପକାଇ କଷନ୍ତୁ-। ପୋଟଳ କଷି ହୋଇଗଲେ ନଡ଼ିଆ ବଟା ଦିଅନ୍ତୁ-। ପୋଟଳ ଗୋଳେଇ ଅଳ୍ପ ଡଙ୍କିଏ ୨ ଡଙ୍କି ପାଣିଦିଅନ୍ତୁ । ସେ ଫୁଟି ଆସିଲେ ଲୁଣ ପକାନ୍ତୁ-। ପୋଟଳ ମସଲା ସିଝି ବହଳିଆ ହୋଇ ଆସିଲେ ଶେଷରେ ଡାଳଚିନି ଓ ଲବଙ୍ଗ ବଟା ଦେଇ ଗୋଳେଇ ଓହ୍ଲାଇ ଦିଅନ୍ତୁ ପୋଟଳ ରସା ।

ପ୍ରସ୍ତୁତ :

ଏବେ ପୋଟଳ ରସା ପ୍ରସ୍ତୁତ ହୋଇଗଲେ । ନିଜେ ଖାଆନ୍ତୁ ଓ ଅନ୍ୟ ମାନଙ୍କୁ ପରଷନ୍ତୁ । ପୋଟଳ ରସା ଶ୍ରୀଜଗନ୍ନାଥଙ୍କର ଏକ ପ୍ରଧାନ ଖାଦ୍ୟ ।

ବଳିବାମନ ମୁଗ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ମୁଗକୁ ୨ ଘଣ୍ଟା ବତୁରାଇ ଦିଅନ୍ତୁ । ତାକୁ ଭଲ ଭାବରେ ସିଝାନ୍ତୁ । ଅଧା ଉପରେ ସିଝିଗଲେ ନଡ଼ିଆ କୋରା (ଜିରା, ଧନିଆ, ଡାଳଚିନି, ଲବଙ୍ଗ) ମସଲା ବଟା ଦେବେ-। ତା ପରେ ପୁରା ସିଝି ଗଲେ ପଞ୍ଚ ଫୁଟଣରେ ବଘାରି ଓହ୍ଲାଇ ଦେବେ ।

ପ୍ରସ୍ତୁତ :

ଏବେ ବଳି ବାମନ ମୁଗ ପ୍ରସ୍ତୁତ ହୋଇଗଲା । ନିଜେ ଖାଆନ୍ତୁ ଓ ଖୁଆନ୍ତୁ । ଏହି ବଳିବାମନ ମୁଗ ବାମନ ଜନ୍ମ ଦିନ ତିଆରି ହୋଇ ଭୋଗ ହୁଏ ।

ମଗଜ ଲଡ଼ୁ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଡ଼ାଇରେ ଘିଅ ଗରମ କରନ୍ତୁ । ଘିଅ ଗରମ ହେଲେ ଅଟା ପକାଇ ଦିଅନ୍ତୁ ଓ ଭଜନ୍ତୁ-। ଅଟା ଭଲ ଭାବରେ ଭାଜି ହୋଇ ଗଲେ ସୁନ୍ଦର ବାସନା ଆସିବ, ତାକୁ ତଳକୁ ଓହ୍ଲାଇ ଥଣ୍ଡା କରନ୍ତୁ । ଅଳ୍ପ ଟିକେ ଉଷୁମ ଥିବା ତା ଭିତରେ ଚିନି ପକାଇ ଗୋଳାନ୍ତୁ । ପୁରା ଥଣ୍ଡା ହେଲେ ବି ଚଳିବ । ଲବଙ୍ଗ ଜାଇଫଳକୁ ଗୁଣ୍ଡକରି ପକାଇ ଗୋଳାନ୍ତୁ । ଗୁଜୁରାତିକୁ ଗୁଣ୍ଡକରି ପକାଇ ଗୋଳେଇ ଦିଅନ୍ତୁ । ପୁରା ଥଣ୍ଡା ହୋଇ ଗଲେ ହାତରେ ଚାପି ଚାପି ଗୋଲ ଗୋଲ ମଗଜ ଲଡ଼ୁ ତିଆରି କରି ରଖନ୍ତୁ । ଏହା ପ୍ରାୟ ୧୫ ବା ୨୦ ଦିନରୁ ଅଧିକ ରଖାଯାଇ ପାରିବ ।

ପ୍ରସ୍ତୁତ :

ଏବେ ମଗଜ ଲଡ଼ୁ ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ଏକ ପ୍ରିୟ ଭୋଗ ।

ନଡ଼ିଆ ପାଚେଡ଼ି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ନଡ଼ିଆ କୁ କୋରି ଦିଅନ୍ତୁ । ଗୋଟା ଜିରା ଭାଜି ନଡ଼ିଆ କୋରାରେ ପକାନ୍ତୁ । ଅଦା, କଞ୍ଚାଲଙ୍କା କୁ ଛେଚି ପକାନ୍ତୁ । ଚିନି ପକାନ୍ତୁ, ଲୁଣ ପରିମାଣ ଅନୁସାରେ ପକାନ୍ତୁ । ଦହି ପକାଇ ଭଲ ଭାବରେ ଗୋଳେଇ ଦିଅନ୍ତୁ । ଧନିଆ ପତ୍ର କାଟି ପକାଇ ଗୋଳେଇ ନଡ଼ିଆ ପାଚେଡ଼ୀ ପରଷନ୍ତୁ । ଜିରା ଲଙ୍କା ଭାଜି ଗୁଣ୍ଡ ମଧ୍ୟ ଦେଇ ପାରନ୍ତି ।

ପ୍ରସ୍ତୁତ :

ଏବେ ନଡ଼ିଆ ପାଚେଡ଼ି ପ୍ରସ୍ତୁତ ହୋଇଗଲା । ଖାଆନ୍ତୁ ଓ ଖୁଆନ୍ତୁ । ଏହା ଜଗନ୍ନାଥଙ୍କର ଏକ ପ୍ରିୟ ଖାଦ୍ୟ ।

ନଡ଼ିଆ କେଳି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ନଡ଼ିଆକୁ କୋରି ଦେବେ । ତା ପରେ ଅଟାରେ ଘିଅ ମଏମ ଦେଇ କୋରା ନଡ଼ିଆକୁ ପକାଇ ଚକଟି ରଖିବେ । ଏହି ଚକଟା ନରମ ଚକଟିବେ ନହିଁ । ଏହା ପରେ ହାତରେ ପେଡ଼ା ପରି ଚାପି ଚାପି ଛାଣି ରଖିବେ । ଚିନି ସିରା ଟାଣ କରି ଏଗୁଡ଼ିକ ପକାଇ ଗୋଳେଇ ଓହ୍ଲାଇ ଦେବେ ।

ପ୍ରସ୍ତୁତ :

ଏବେ ନଡ଼ିଆ କେଳି ପ୍ରସ୍ତୁତ ହୋଇଗଲା । ନିଜେ ଖାଆନ୍ତୁ ଓ ଖୁଆନ୍ତୁ । ନଡ଼ିଆ କେଳି ଜଗନ୍ନାଥଙ୍କର ପ୍ରିୟ ଖାଦ୍ୟ ।

ଆମ୍ବୁଲ ରାଇ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଆମ୍ବୁଲ କୁ ୨ ରୁ ୩ ଘଣ୍ଟା ବତୁରାଇ ଧୋଇ ଛାଣି ରଖନ୍ତୁ । ଦହିରେ ଶୋରିଷବଟା, ନଡ଼ିଆ କୋରା ଦେଇ ଗୋଳାନ୍ତୁ । ତା ଭିତରେ ଅଦା ଛେଚା, ଲୁଣ, ଚିନି, ଚାଟ ମସଲା ପକାନ୍ତୁ । ଘିଅରେ ଭୁରୁଶୁଙ୍ଗା ପତ୍ର ଫୁଟଣ ଫୁଟାନ୍ତୁ । ଫୁଟାଇ ସାରି ଦହି ଆମ୍ବୁଲରେ ପକାଇ ସବୁଯାକ ଏକାଠି ଗୋଳେଇ ଦିଅନ୍ତୁ । ଅଧଘଣ୍ଟା ପରେ ଆମ୍ବୁଲ ରାଇ ପରଷନ୍ତୁ।

ପ୍ରସ୍ତୁତ :

ଏବେ ଆମ୍ବୁଲ ରାଇ ପ୍ରସ୍ତୁତ ହୋଇଗଲା । ଏହା ପ୍ରଭୁଙ୍କର ଏକ ପ୍ରିୟ ଖାଦ୍ୟ ।

ମିଠା ଡାଲି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଡାଲିକୁ ଚିନି, ଲୁଣ ଓ ହଳଦୀ ଦେଇ ଭଲ ଭାବରେ ସିଝାଇ ଦିଅନ୍ତୁ । ଏହା ପରେ ନଡ଼ିଆ କୋରା ପକାଇ ଗୋଳାନ୍ତୁ । କଡ଼ାଇରେ ଘିଅ ଗରମ କରି ଫୁଟଣ, ତେଜପତ୍ର ପକାନ୍ତୁ । କଡ଼ାଇରେ ଘିଅ ଗରମ କରି ଫୁଟଣ, ତେଜପତ୍ର ପକାନ୍ତୁ । ଫୁଟି ଆସିଲେ ଡାଲି ବଘାରନ୍ତୁ । ଡାଳିରେ ଅଧିକ ପଣି ରଖିବେ ନାହିଁ । ଡାଲି ବଘାରି ଓହ୍ଲାଇଲା ବେଳେ ଗୁଜୁରାତିକୁ ଅଧା ଅଧା ଛେଚା କରି ପକାଇ ଫୁଟାନ୍ତୁ । ଫୁଟି ଆସିଲେ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ମିଠା ଡାଲି ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କର ପ୍ରିୟ ପ୍ରସାଦ ।

ମକର ଚାଉଳ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚାଉଳକୁ ୨ ରୁ ୩ ଘଣ୍ଟା ବତୁରାଇ ଛାଣି ରଖନ୍ତୁ । ଏହାକୁ ଶୀଳରେ ଦର ଦର ବଟା କରି ଦିଅନ୍ତୁ । ଏହି ବଟାରେ କ୍ଷୀର, କଦଳୀ, ସେଓ, କମଳା ଫଳ ଇତ୍ୟାଦିକୁ ଚୁନା ଚୁନା କାଟି ପକାନ୍ତୁ । ଛେନା, ଖୁଆ, କାଜୁ, କିସ ମିସ ପକାନ୍ତୁ । ମୁଆଁ କୁ ଖଣ୍ଡ କରି ପକାନ୍ତୁ । ଗୁଜୁରାତି ଗୁଣ୍ଡ ପକାନ୍ତୁ । ଘିଅ ଓ ଚିନି ପକାଇ ଚକଟା କରି ଦିଅନ୍ତୁ । ସ୍ଲାଇଡ଼ କର୍ପୁର ପକାଇ ଗୋଳେଇ ମକର ଚାଉଳ ତିଆରି କରନ୍ତୁ । ଏହି ମକର ଚାଉଳ ସଂଙ୍କ୍ରାନ୍ତିରେ ଭୋଗ ହୁଏ ।

ପ୍ରସ୍ତୁତ :

ଏବେ ମକର ଚାଉଳ ପ୍ରସ୍ତୁତ ହୋଇଗଲା । ଏହା ମହା ପ୍ରଭୁଙ୍କର ଏକ ପ୍ରିୟ ଖାଦ୍ୟ । ମକର ସଂଙ୍କ୍ରାନ୍ତି ଦିନ ପ୍ରଭୁଙ୍କ ନିକଟରେ ୮୪ ପ୍ରକାର ଭୋଗ କରାଯାଏ ।

ଶାଗ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପରିବା ଗୁଡ଼ିକ ଛୋଟ ଛୋଟ କାଟିବେ । ଚୁଲିରେ କଡ଼ାଇ ବସାଇ କିଛି ପାଣି ଦେଇ ପରିବା କଟା ପକାଇବେ । ତାପରେ ବୁଟସିଝା, ନଡ଼ିଆ କୋରି ଏଇ ପରିବା କଟାରେ ପକାଇ ସିଝାଇବେ । ଜିରା, ଗୋଲମରୀଚ ବାଟି ପରିବା ସିଝାରେ ପକାଇ ସିଝାଇବେ । ପରିବା ସିଝିଗଲେ ଶାଗକୁ ଭଲଭାବରେ ଧୋଇ ଦରଦର କଟା କାଟି ପରିବା ସିଝାରେ ପକାଇ ସିଝାଇବେ-। ସିଝିଗଲେ ଓହ୍ଲାଇ ଦେବେ । ଓହ୍ଲାଇବା ପୂର୍ବରୁ ଡାଳଚିନି ଓ ଲବଙ୍ଗ ବାଟି ଦେବେ । ତାକୁ ଗୋଳେଇ ଓହ୍ଲାଇ ଦେବେ । ଆଉ ଗୋଟେ କଡ଼ାଇରେ ଘିଅ ଗରମ କରି ଫୁଟଣ ଓ ତେଜପତ୍ର ପକାଇ ଶାଗକୁ ଓଜାଡ଼ି ଘାଣ୍ଟି ନାଡ଼ି ପକାଇ ଓହ୍ଲାଇ ଦେବେ ।

ପ୍ରସ୍ତୁତ :

ଏବେ ଶାଗ ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ଭୋଗ ମଧ୍ୟରୁ ଅନ୍ୟତମ ।

ଘିଅ ଅନ୍ନ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚୁଲୀରେ ଡେକଚି ବସାଇ ଘିଅ ଗରମ କରନ୍ତୁ । ତା’ପରେ ତେଜପତ୍ର ପକାନ୍ତୁ-। ଚାଉଳକୁ ଧୋଇ ଛାଣି ଘିଅରେ ପକାଇ ଭଜନ୍ତୁ । ଅଳ୍ପ ଭାଜନ୍ତୁ । (ବେଶୀ ଭାଜିଲେ ଲାଲ୍‌ ହୋଇ ଯିବ ଭାଙ୍ଗି ମଧ୍ୟ ଯିବ) ତା’ପରେ ପାଣି ଦିଅନ୍ତୁ । ଅନ୍ନ ଫୁଟି ଆସିଲେ ଲୁଣ ଓ ଚିନି ପକାନ୍ତୁ-। କମଳାରୁ ରସ ବାହାର କରି ରଖନ୍ତୁ । ଅନ୍ନ ହୋଇ ଆସିଲେ କମଳା ରସ ଦେଇ ଗୋଳାନ୍ତୁ । ଆଉଟିକେ ଘିଅ ମଧ୍ୟ ଶେଷରେ ପକାଇ ଗୋଳେଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ବର୍ତ୍ତମାନ ଘିଅଅନ୍ନ ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ଏକ ଅତ୍ୟନ୍ତ ପ୍ରିୟ ଖାଦ୍ୟ ।

ସାଧା ଅନ୍ନ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚାଉଳ କୁ ଧୋଇ ରଖନ୍ତୁ । ଡେକିଚିରେ ପାଣି ଦିଅନ୍ତୁ । ପାଣି ଫୁଟି ଆସିଲେ ଚାଉଳ ପକାନ୍ତୁ । ଫୁଟି ଫୁଟି ଅନ୍ନ ହୋଇ ଆସିଲେ ତା ଭିତରେ ଅଳ୍ପ ଥଣ୍ଡା ପାଣି ଦେଇ ଗୋଳେଇ ଗାଳି ଦିଅନ୍ତୁ । ତା ପରେ ଅନ୍ନ ଡେକିଚିର ଢାଙ୍କୁଣୀ ଖୋଲି ଦିଅନ୍ତୁ । ନହେଲେ ଅନ୍ନ ଜାଉ ଜାଉ ହୋଇ ଯିବ । ଢାଙ୍କୁଣୀ ଅଧା ଖୋଲି ଦେଲେ ଭଲ । ଏବେ ସାଧା ଅନ୍ନ ପ୍ରସ୍ତୁତ ।

ପ୍ରସ୍ତୁତ :

ଏହା ଜଗନ୍ନାଥଙ୍କ ପ୍ରସାଦ ମଧ୍ୟରୁ ଅନ୍ୟତମ ।

କାନିକା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚୁଲିରେ ଡେକ୍‌ଚି ବସାଇ ପାଣି ଦିଅନ୍ତୁ । ପାଣି ଗରମ ହୋଇ ଆସିଲେ ଡାଳଚିନି କୁ ଅଧାବାଟି ଏଇ ପାଣିରେ ପକାନ୍ତୁ । ଡାଳଚିନି ପୁରା ବାଟି ଦେଲେ ବି ଭଲ ହେବ । ଅଳେଇଚ, ଗୁଜୁରାତି ଅଧାଅଧା ଛେଚି ପକାନ୍ତୁ । ତେଜପତ୍ର, ଲବଙ୍ଗ ମଧ୍ୟ ପକାନ୍ତୁ । ପାଣି ଫୁଟି ଆସିଲେ ଚାଉଳ ଓ ବୁଟ ଡଲି କୁ ଏକାଠି ଧୋଇ ଫୁଟିଆସିବା ପାଣିରେ ପକାନ୍ତୁ । ଚାଉଳ ଫୁଟି ଆସିଲେ ଲୁଣ ପକାନ୍ତୁ । ଅଧା କାନିକା ହୋଇ ଆସିଲେ ଚିନି ଦେଇ ଗୋଳାନ୍ତୁ । ଅଧା ଘିଅ ପକାନ୍ତୁ । କାନିକା ହୋଇ ଆସିଲେ ବାକି ଡାଲଚିନିକୁ ଗୁଣ୍ଡ କରି ପକାନ୍ତୁ । ବାକି ଘିଅ କୁ ମଧ୍ୟ ପକାଇ ଗୋଳେଇ ଦେଖନ୍ତୁ । କାନିକା ହୋଇ ଯାଇଥିବ । ତା’ ପରେ ଚୁଲିରୁ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

କାନିକା ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ଏକ ପ୍ରଧାନ ଖାଦ୍ୟ । ଏହି କାନିକା ପହିଲି ଭୋଗବେଳେ ତିଆରି ହୁଏ । ଅନ୍ୟ ଦିନେ ମଧ୍ୟ ତିଆରି ହୁଏ ।

ଚଢ଼େଇନଦା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରିକୁ ୩ ରୁ ୪ ଘଣ୍ଟା ବତୁରାଇ ଦିଅନ୍ତୁ । ବତୁରିଗଲା ପରେ ତାର ଚୋପ ଛଡ଼ାଇ ଭଲ ଭାବରେ ଧୋଇ ନେଇ ଚିକ୍କଣ କରି ବାଟି ଦିଅନ୍ତୁ। ତା ପରେ ଚାଉଳ ଗୁଣ୍ଡା ମିଶାଇ ତାକୁ ଘିଅରେ ବରା ଛାଣନ୍ତୁ । ବରା ଗୁଡ଼ିକ ହାପ ହୋଇ ଗଲେ ତାକୁ କାଢ଼ିଦିଅନ୍ତୁ । ତାପରେ ତାକୁ ଶୀଳରେ ବାଟି ଦିଅନ୍ତୁ ବା ଗ୍ରାଇଡିଂ କରି ଦିଅନ୍ତୁ । କଡ଼ାଇରେ ଗୁଡ଼ ଓ ପାଣି ଦେଇ ଫୁଟାନ୍ତୁ ଟିକେ ଫୁଟି ବହଳିଆ ହୋଇ ଗଲେ ବିରି ବଟା ପକାଇ ଘାଣ୍ଟନ୍ତୁ । ଅଳ୍ପ ଘାଣ୍ଟି ଲାଲ ହୋଇ ବାସନା ଆସିବ । ଚଢ଼େଇ ନଦା ପରି ଗୁଣ୍ଡ ହୋଇଯିବ ।

ପ୍ରସ୍ତୁତ :

ତା ପରେ ଏହାକୁ ଓହ୍ଲାଇ ଦିଅନ୍ତୁ । ଏହା ବହୁତ ଦିନ ଧରି ରଖାଯାଇ ପାରିବ । ଏହା ଏକ ଅତ୍ୟନ୍ତ ସ୍ଵାଦଯୁକ୍ତ । ଜଗନ୍ନାଥଙ୍କ ପିଠା ଭୋଗ ମଧ୍ୟରେ ଏହା ଅତ୍ୟନ୍ତ ଲୋକପ୍ରିୟ ।

ମୂଳା ରାଇତା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ମୂଳାକୁ ଭଲ ଭାବରେ ଧୋଇ ଗ୍ରେଟର ରେ କୋରି ଦିଅନ୍ତୁ । ଅଳ୍ପ ଟିକେ ପାଣି ଦେଇ ଫୁଟାଇ ଓହ୍ଲାଇ ଦିଅନ୍ତୁ । ବଡ଼ିକୁ ମଧ୍ୟ ଫୁଟାଇ ଓହ୍ଲାଇ ପାରନ୍ତି । ମୂଳା ଓ ନାଡ଼ି, ଦହି, କଞ୍ଚା ଲଙ୍କା କଟା କୁ ଏକାଠି ଗୋଳାନ୍ତୁ । ଲୁଣ ଓ ଚିନି ପକାଇ ଗୋଳାନ୍ତୁ । କଡ଼ାଇରେ ଘିଅ ପକାଇ ଜିରା ଫୁଟାଇ ମୂଳା ରାଇତାକୁ ଓଜାଡ଼ି ଦିଅନ୍ତୁ । ନାଡ଼ି ପକାଇ ଗୋଳାନ୍ତୁ । ଧନିଆ ପାତ୍ର ପକାଇ ଦିଅନ୍ତୁ ।

ପ୍ରସ୍ତୁତ :

ଏବେ ମୂଳା ରାଇତା ପ୍ରସ୍ତୁତ ହୋଇଗଲା । ପୌଷ ମାସରେ ଜଗନ୍ନାଥଙ୍କ ପ୍ରିୟ ପହିଲି ଭୋଗରେ ଏହା ପରଷା ଯାଏ ।

ଫଳ ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ କଦଳୀ କୁ ଚକଟି ଦେବେ । ସେଓ, ଅଙ୍ଗୁର ଅନ୍ୟାନ୍ୟ ଯେତିକି ଫଳ ସବୁ ଖଣ୍ଡ ଖଣ୍ଡ ବା ଚୁନା ଚୁନା କାଟି କଦଳୀ ଚକଟାରେ ପକାଇବେ । ନଡ଼ିଆ କୋର ପକାଇବେ । ଚିନି ଓ ତେନ୍ତୁଳି ପକାଇବେ । ଆରିଷା ପିଠାକୁ ଖଣ୍ଡ ଖଣ୍ଡ କରି ପକାଇବେ । ସାମାନ୍ୟ ଟିକେ (୧ ଚିମୁଟା) ଲୁଣ ପକାଇବେ । ମଇଦା ଟିକେ ଗୋଳିଦେବେ । ତା ପରେ ସବୁ ଏକାଠି କରି ଗୋଳେଇ ଦେବେ-। କଡ଼ାଇରେ ଘିଅ ଗରମ କରି ଫୁଟଣ ଫୁଟାଇ ଖଟା ଓଜାଡ଼ି ଗୋଳେଇ ଦେଇ ଓହ୍ଲାଇ ଦେବେ ।

ପ୍ରସ୍ତୁତ :

ବର୍ତ୍ତମାନ ଫଳ ଖଟା ପ୍ରସ୍ତୁତ ହୋଇଗଲା । ନିଜେ ଖାଆନ୍ତୁ ଓ ଖୁଆନ୍ତୁ । ଶୀତ ଦିନରେ ପ୍ରଭୁଙ୍କ ନିକଟରେ ପ୍ରିୟ ପହିଲି ଭୋଗରେ ଲାଗି ହୁଏ ।

ବେସର

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପରିବାକୁ ଗୋଟାଧୋଇ ପରିଷ୍କାର କରି ସାରିବା ପରେ ଛୋଟ ଛୋଟ ଖଣ୍ଡ କାଟି ରଖନ୍ତୁ । ପାଣିରେ ପରିବା, ତେଜପତ୍ର ପକାଇ ଲୁଣ, ହଳଦୀ ଗୁଣ୍ଡ ଦେଇ ସିଝାଇ ଦିଅନ୍ତୁ । ଜିରା, ସୋରିଷ, ପାନମାଧୁରୀ, ଅଦା, କଞ୍ଚାଲଙ୍କାକୁ ଚିକ୍କଣ କରି ବାଟି ରଖନ୍ତୁ । ପରିବା ଅଧାସିଝି ଗଲେ ବଟା ବେସରକୁ ପକାନ୍ତୁ ନଡ଼ିଆ କୋରି ପକାନ୍ତୁ । ପାରିବା ଅଧାସିଝି ଗଲେ ବଟା ବେସରକୁ ପକାନ୍ତୁ ନଡ଼ିଆ କୋରିୟ ପକାନ୍ତୁ । ଏହି ମସଲା ପରିବରେ ସିଝିବା ପାଇଁ ଛାଡ଼ି ଦିଅନ୍ତୁ। ସବୁ ସିଝିଗଲେ ଓହ୍ଲାଇ ଦିଅନ୍ତୁ । ତା ପରେ କଡ଼ାଇରେ ଘିଅ ଗରମ କରି ଶୁଖିଲା ଲଙ୍କା ଛିଡ଼ାଇ ପକାନ୍ତୁ ଓ ଫୁଟଣ ପକାନ୍ତୁ । ଫୁଟଣ ଫୁଟି ଗଲେ ବେସର ଓଜାଡ଼ି ଦିଅନ୍ତୁ । ଗୋଳେଇ ଗଲେଇ ନାଡ଼ି ପକାଇ ଓହ୍ଲାଇ ଦିଅନ୍ତୁ। ଧନିଆ ପତ୍ର କାଟି ଉପରେ ପକାଇ ଅଧା ଘୋଡ଼େଇ ଦିଅନ୍ତୁ ।

ପ୍ରସ୍ତୁତ :

ଏବେ ବେସର ପ୍ରସ୍ତୁତ ହୋଇଗଲା । ଜଗନ୍ନାଥଙ୍କ ପାଖେ ଭୋଗ ଲାଗେ ।

ଅବଢ଼ା ପଖାଳ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଦହିରେ ଅଦା ଛେଚା, କଞ୍ଚାଲଙ୍କା, ଧନିଆ ପତ୍ର ଲେମ୍ବୁ ପତ୍ର, ଲେମ୍ବୁ କଟା ଇତ୍ୟାଦି ପକାଇ ଗୋଳେଇ ଦିଅନ୍ତୁ । ତା ପରେ ଗଳା ହୋଇଥିବା ଅନ୍ନରେ ଏ ଦହି ମିଶ୍ରଣକୁ ପକାଇ ଗୋଳାନ୍ତୁ, ଅଳ୍ପ ଲୁଣ ପକାନ୍ତୁ । ତା ପରେ କିଛି ପାଣି ଦେଇ ଅନ୍ନକୁ ଗୋଳିଆ ଗୋଳି କରି ପଖାଳ ପ୍ରସ୍ତୁତ କରନ୍ତୁ । ଏଇ ପଖାଳ ଖରାଦିନେ ବହୁତ ତିଆରି ହୁଏ ।

ପ୍ରସ୍ତୁତ :

ବର୍ତ୍ତମାନ ଅବଢ଼ା ପ୍ରସ୍ତୁତ ।

ଘାଣ୍ଟ ତରକାରୀ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ପରିବା ଗୁଡ଼ିକ କାଟି ଧୋଇ ଦିଅନ୍ତୁ । ଡେକିଚିରେ ପାଣି ଦେଇ ଚୁଲିରେ ବସାନ୍ତୁ ଓ ପରିବା ଗୁଡ଼ିକ ପକାନ୍ତୁ । ହଳଦୀ, ଲୁଣ ପକାନ୍ତୁ ଗୋଟା ସୋଲା ସିଝା ପକାନ୍ତୁ । ନଡ଼ିଆକୋରି ଓ କାଟି ଚୁନା ଚୁନା କରି ପକାନ୍ତୁ । ପରିବା ସିଝି ଗଲେ ଓଉ ଛେଚି ପକାଇ ଓହ୍ଲାଇ ଦିଅନ୍ତୁ । କଡ଼ାଇ ରେ ଘିଅ ଦେଇ ଜିରା ତେଜପତ୍ର ଫୁଟାନ୍ତୁ । ବଟା ମସଲା ପକାଇ ଭଜନ୍ତୁ । ତାପରେ ପାରିବ ସିଝା ପକାଇ ବଘାରନ୍ତୁ । ଗରମ ମସଲା ଦିଅନ୍ତୁ । ଗଜା ମୁଗ ପକାଇ ଗୋଳେଇ ଓହ୍ଲାନ୍ତୁ । ଧନିଆ ପତ୍ର ପକାଇ ଦିଅନ୍ତୁ ।

ପ୍ରସ୍ତୁତ :

ବର୍ତ୍ତମାନ ଘାଣ୍ଟ ତରକାରୀ ପ୍ରସ୍ତୁତ । ଦ୍ଵିତୀୟା ଓଷା ରେ ଘାଣ୍ଟ ତରକାରୀ ଭୋଗ ହୁଏ ଜଗନ୍ନାଥଙ୍କ ପାଖରେ ।

ପୋଡ଼ ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଚାଉଳକୁ ୨ ରୁ ୪ ଘଣ୍ଟା ବତୁରାଇ ଧୋଇ ଗୁଣ୍ଡ କରି ରଖନ୍ତୁ । ନଡ଼ିଆକୁ କୋରି ରଖନ୍ତୁ । ଖୁଆ, ଚିନି କୁ ଦଳି ରଖନ୍ତୁ । ପାନ ମାଧୁରୀ, ଗୁଜୁରାତି, ଗୋଲମରୀଚ, ଅଳେଇଚ ଗୁଣ୍ଡକରି ରଖନ୍ତୁ । ଡେକିଚିରେ ଚୁନାକୁ ଦେଖି ପାଣି ବସାନ୍ତୁ । ପାଣି ଗରମ ହେଲେ ପାନମାଧୁରୀ ଗୁଣ୍ଡ, ନଡ଼ିଆ କଟା ଓ କୋରା ପକାନ୍ତୁ । ପାଣି ଫୁଟି ଗଲେ ଖୁଆ, ଚିନି ଦଳାକୁ ପକାଇ ଫୁଟାନ୍ତୁ । ଗୁଜୁରାତି, ଗୋଲମରିଚ, ଅଳେଇଚ ଗୁଣ୍ଡ ପକାନ୍ତୁ । ଘିଅ ୨ ରୁ ୪ ଚାମଚ ପକାଇ ଫୁଟାନ୍ତୁ । ପାଣି ଫୁଟି ଫୁଟି ସିଝି ଆସିଲେ କିସ୍‌ମିସ୍‌ ପକାଇ ଅଳ୍ପ ଅଳ୍ପ ଚାଉଳ ଚୁନ ପକାଇ ଜନ୍ତନ୍ତୁ । ଜନ୍ତାକୁ ମଧ୍ୟ ଅଳ୍ପ ଜାଳରେ ସିଝିବାକୁ ଦିଅନ୍ତୁ । ଜନ୍ତଣି ସିଝି୍‌ ଗଲେ ଓହ୍ଲାଇ ଥଣ୍ଡା କରନ୍ତୁ । କଦଳୀ ପତ୍ରରେ ଘିଅ ମାରି କଡ଼େଇରେ ରଖନ୍ତୁ କିମ୍ବା ଓଭନ ଡିସ୍‌ ରେ ରଖନ୍ତୁ । କଦଳୀ ପତ୍ର ରେ ଏହି ଜନ୍ତଣିକୁ ରଖନ୍ତୁ-। ଘିଅ ହାତକାରୀ ଚାପି ଚାପି ରଖନ୍ତୁ । ତାକୁ ସେଟ୍‌ କରି ତା ଉପରେ ପତ୍ର ପକାଇ ନିଆଁ କରି ପୋଡ଼ନ୍ତୁ ନଚେତ ଓଭନରେ ପୋଡ଼ନ୍ତୁ । ୨ ରୁ ୩ ଘଣ୍ଟା ପରେ ଦେଖନ୍ତୁ ପିଠା ସିଝିଗଲେ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ତିଆରି ହୋଇଗଲା ପୋଡ଼ପିଠା । ମହାପ୍ରଭୁ ମାଉସୀମାଙ୍କ ଘରେ ଏହା ଖାଇଥାଆନ୍ତି ।

ବିରି ଡାଲି ପୋଡ଼ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରି ଡାଲିକୁ ୨ ରୁ ୪ ଘଣ୍ଟା ବତୁରାଇ ଦିଅନ୍ତୁ । ପାଣିରୁ ଛାଣି ଶୁଖିଲା ଶୁଖିଲା ବାଟି ଦିଅନ୍ତୁ । ପରେ ଏହା ସହିତ ଚାଉଳ ସୁଜି, ନଡ଼ିଆକୋରା, ଗୁଜୁରାତି ଗୁଣ୍ଡ ଓ ଲୁଣ ମିଶାଇ ଭଲ ଭାବରେ ଗୋଳାଇ ଦିଅନ୍ତୁ । ଏହି ଗୋଳାକୁ ୧ ଘଣ୍ଟା ରାଖି ଦିଅନ୍ତୁ । ତାପରେ ଚିନି ଗୋଳେଇ ଅନ୍ୟ ଏକ ପାତ୍ରରେ ଘିଅ ଲଗାଇ ଏହି ମିଶ୍ରଣକୁ ଓଜାଡ଼ି ହାଲକା ଆଞ୍ଚରେ ପୋଡ଼ନ୍ତୁ କିମ୍ବା ଓଭନରେ ବେକ୍‌ କରନ୍ତୁ । ଓଭନରେ ବେକ୍‌ କଲେ ୩୦ ରୁ ୩୫ ମିନିଟ ପର୍ଯ୍ୟନ୍ତ ବେକ୍‌ କରନ୍ତୁ । ହୁଇସିଲ ନ ଦେଇ ପ୍ରେସର କୁକର ଦ୍ଵାରା ମଧ୍ୟ ବେକ୍‌ କରିପାରିବେ ।

ପ୍ରସ୍ତୁତ :

ଏବେ ବିରି ପୋଡ଼ପିଠା ପ୍ରସ୍ତୁତ ହେଲା । ପିଠାକୁ ଥଣ୍ଡାକରି ଖାଇବାକୁ ଦିଅନ୍ତୁ । ଶ୍ରୀ ଜଗନ୍ନାଥଙ୍କ ପାଖରେ ବିରି ପୋଡ଼ପିଠା ଭୋଗ ହୁଏ ।

ଚିତଉ ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚାଉଳକୁ ରାତିରେ ବତୁରାଇ ଦିଅନ୍ତୁ । ସକାଳେ ଭଲଭାବରେ ଚାଉଳକୁ ଧୋଇ ଛାଣି ଦିଅନ୍ତୁ । ନଡ଼ିଆକୁ କୋରି ଚାଉଳରେ ମିଶାଇ ଦିଅନ୍ତୁ । ତା ପରେ ଚାଉଳ ନଡ଼ିଆକୁ ଚିକ୍କଣ କରି ବାଟି ଦିଅନ୍ତୁ । ବାଟିଦେଇ ୨ରୁ୩ ଘଣ୍ଟା ରଖି ଦିଅନ୍ତୁ, ସେ ଫୁଲି ଆସିଲେ ସେଥିରେ ଲୁଣ ଓ ଦରକାର ମୁତାବକ ପାଣି ଦେଇ ଗୋଳେଇ କଡ଼େଇରେ ଗୋଟେ ଡଙ୍କି ପିଠଉ ଦେଇ ଗୋଟେ ଢାଙ୍କୁଣୀ (ବା ସରା) ଘୋଡ଼ାଇ ଦିଅନ୍ତୁ । ସରା ଚାରିକଡ଼ରେ ପାଣି କନା ଗୁଡ଼ାଇ ଦିଅନ୍ତୁ । ଟିକେ ସିଝିଗଲେ ସାଙ୍ଗେ ସାଙ୍ଗେ ଚିତଉ ପିଠା କଡ଼ାଇରୁ କାଢ଼ି ଦେଇ ଆଉ ଗୋଟେ ପିଠା ଲଦି ଦିଅନ୍ତୁ ।

ପ୍ରସ୍ତୁତ :

ବର୍ତ୍ତମାନ ଚିତଉ ପିଠା ପ୍ରସ୍ତୁତ । ଏହି ପିଠା ଶ୍ରାବଣ ମାସ ଚିତଉ ଅମାବାସ୍ୟାରେ ଠାକୁରଙ୍କ ପାଖରେ ଭୋଗ ହୁଏ ।.

କାକରା ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଡେକ୍‌ଚିରେ ପାଣି ଦେଇ ଗୁଡ଼ ଓ ଲୁଣ ପକାନ୍ତୁ । ସେ ଫୁଟି ଗଲେ ଅଟାକୁ ପକାଇ ଜନ୍ତାଣି ତିଆରି କରନ୍ତୁ । ସେ ସିଝିଗଲେ ଓହ୍ଲାଇ ଦେଇ ଥଣ୍ଡା ରଖନ୍ତୁ । ଥଣ୍ଡା ହେଲେ ତାକୁ ପାଣି ପକାଇ ଚକଟି ରଖନ୍ତୁ । ନଡ଼ିଆ କୋରାରେ ଚିନି କିମ୍ବା ଗୁଡ଼ ଦେଇ ଗୋଳାନ୍ତୁ ବା କଡ଼ାଇରେ ଭାଜି ଦିଅନ୍ତୁ । ଗୁଜୁରାତି ଗୁଣ୍ଡ ପକାଇ ଗୋଳାନ୍ତୁ । ଚକଟା ଖଳି କୁ ଗୁଳା କରି ଗୋଟିଏ ଗୋଟିଏ ପୁରଦେଇ ଗଢ଼ି ଛାଣି ରଖନ୍ତୁ । ଏଇ କାକରା ପିଠା ମଇଦା, ସୁଜିରେ ମଧ୍ୟ ତିଆରି କରାଯାଇ ପାରିବ ।

ପ୍ରସ୍ତୁତ :

ପ୍ରସ୍ତୁତ ହୋଇଗଲା କାକରାପିଠା । ପ୍ରତି ପର୍ବ ପର୍ବାଣିରେ କାକରା ପିଠା ପ୍ରାୟ ତିଆରି ହୋଇ ଶ୍ରୀ ଜଗନ୍ନାଥଙ୍କ ପାଖରେ ଭୋଗ ଲାଗେ ।

ଶ୍ରୀଖଣ୍ଡ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବସା ଦହିକୁ ପତଳା କନାରେ ବାନ୍ଧି ୪ ରୁ ୫ ଘଣ୍ଟା ଟାଙ୍ଗୀଦିଅନ୍ତୁ । ସେଥିରୁ ପାଣି ନିଗିଡ଼ି ଗଲେ ତା ଭିତରେ ପାଉଡ଼ର ଚିନି ମିଶାଇ ଚାଲୁଣିରେ କିମ୍ବା ପତଳା କନାରେ ଚଳାଇ ଦିଅନ୍ତୁ । ଚଳାଇ ଦେଲେ ଶ୍ରୀଖଣ୍ଡ ବହୁତ ଟେଷ୍ଟ ଲାଗିବ । ଦହି ଚଳାଇ ସାରି ତା ଭିତରେ ଗୁଜୁରାତି ଗୁଣ୍ଡ ମିଶାଇ ଫ୍ରିଜରେ ରଖନ୍ତୁ ଥଣ୍ଡା ଥଣ୍ଡା ଖାଇବାକୁ ଦିଅନ୍ତୁ ।

ପ୍ରସ୍ତୁତ :

ଏବେ ଶ୍ରୀଖଣ୍ଡ ପ୍ରସ୍ତୁତ ହୋଇଗଲା । କେଶର ମଧ୍ୟ ପକାଇ ପାରିବେ । ପ୍ରଭୁଙ୍କରା ଛପନ ଭୋଗ ମଧ୍ୟରେ ଏହା ସ୍ଥାନ ପାଇଛି ।

ଆରିସା ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଚାଉଳ ୪ ରୁ ୫ ଘଣ୍ଟା ବତୁରାଇ ଦେବେ । ଚାଉଳ ସଜତିନ୍ତା ହେବା ଦରକାର । ରାତିରେ ବତୁରାଇବେ ନାହିଁ । ବତୁରିଯିବା ପରେ ତାକୁ ଛାଣି ହେମଦସ୍ତା କିମ୍ବା ଗ୍ରାଇଣ୍ଡରରେ ଗୁଣ୍ଡ କରି ଦିଅନ୍ତୁ ।

ଏହା ପରେ କଡ଼େଇରେ ପାଣି ଦେଇ ଗୁଡ଼ ପକାନ୍ତୁ । ଗୁଡ଼ ଫୁଟି ପାଗ ହେଲେ ଅନ୍ୟଏକ ଗିନାରେ ଗିନାଏ ପାଣି ନେଇ ପାଗ ଗୁଡ଼କୁ ପାଣିରେ ପକାନ୍ତୁ । ଦେଖିବେ ଗୁଡ଼ ଗୁଳାବାନ୍ଧି ଆସିଲା ଏବେ ଏଇ ଫୁଟୁଥିବା ଗୁଡ଼ରେ ଚାଉଳ ଗୁଣ୍ଡାକୁ ଅଳ୍ପ ଅଳ୍ପ ପକାଇ ଜନ୍ତିବେ । ଜନ୍ତାକୁ ଓହ୍ଲାଇ କଦଳୀ ପତ୍ରକୁ ଓଜାଡ଼ି ଦେଇ ଟିକେ ଥଣ୍ଡା କରି ଦେବେ । ତା ପରେ କଡ଼ାଇରେ ଘିଅ ଗରମ କରି, ଜନ୍ତଣିକୁ ପୁରି ଗୁଳାଠୁ ଟିକେ ବଡ଼ ବଡ଼ ଗୁଳା ନେଇ ପତ୍ରରେ ଘିଅ ଲଗାଇ ହାତରେ ତାରି ଦେଇ ଗୋଟିଏ ଗୋଟିଏ ଆରିସା ଛାଣି ରଖିବେ । ଏହାକୁ ମାସେ ପର୍ଯ୍ୟନ୍ତ ରଖାଯାଇ ପାରିବ ।

ପ୍ରସ୍ତୁତ :

ଏବେ ପ୍ରସ୍ତୁତ ହୋଇଗଲା ଆରିସା ପିଠା । ଏହା ଜଗନ୍ନାଥଙ୍କ ନିକଟରେ ଭୋଗ ଲାଗେ-।

ଚନ୍ଦ୍ରକାନ୍ତି ପିଠା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଡେକ୍‌ଚିରେ ପାଣି ଚିନି ପକାଇ ଦିଅନ୍ତୁ । ଚାଉଳ ଓ ମୁଗକୁ ଦୁଇ ଘଣ୍ଟା ବତୁରାଇ ଚିକ୍କଣ କରି ବାଟି ଏଇ ପାଣିରେ ପକାଇ ଘାଣ୍ଟନ୍ତୁ । ଏହାକୁ ବାରମ୍ବାର ଘଣ୍ଟୁଥିବା ଯେପରି ତଳ ଲାଗି ନଯାଏ । ଗ୍ୟାସ ସ୍ଲୋ କରି ଦିଅନ୍ତୁ ଘାଣ୍ଟିବା ସମୟରେ । ମୁଗବଟା ଜନ୍ତି ହୋଇ ସିଝି ଯିବ । ଆଉ ବହଳିଆ ହୋଇ ଆସିବା । ଗୋଟେ ଗାମୁଛା କିମ୍ବା ଧଳା କନାକୁ ଓଦା କରି ଚିପୁଡ଼ି ପାରି ଦେଇ ଏଇ ମୁଗ ଜନ୍ତଣିକୁ ଅଜାଡ଼ି ଦେଇ ସାଙ୍ଗେ ସାଙ୍ଗେ ଲୁହ ଖଡ଼ିକାରେ ବା ଚଟୁ ସାହାଯ୍ୟରେ ଜନ୍ତଣିକୁ ପତଳା ଆକାରରେ ଲାମ୍ବା କର ଦେବେ । ତା ପରେ ତାକୁ ଡାଇମଣ୍ଡ କଟ୍‌ ସେଫ୍‌ରେ କାଟିଦେବେ । ଓଦା କନାରେ ପକାଇ କାଟିଲେ ଶୀଘ୍ର ଉଠିଯିବ। କୌଣସି ବାସନରେ ଜନ୍ତଣିକୁ ପକାଇଲେ ଭଲ ଉଠିବ ନାହିଁ । ତା ପରେ ଘିଅ ଗରମ କରି ଚନ୍ଦ୍ର କାନ୍ତି ଛାଣି ରଖନ୍ତୁ ।

ପ୍ରସ୍ତୁତ :

ଏବେ ଚନ୍ଦ୍ରକାନ୍ତି ପ୍ରସ୍ତୁତ ହୋଇଗଲା । ଏହା ଶ୍ରୀ ଜଗନ୍ନାଥଙ୍କ ନିକଟରେ ଭୋଗ ହୁଏ ।

ଚାଉଳ କ୍ଷୀରୀ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କ୍ଷୀରକୁ ଚୁଲିରେ ବସାନ୍ତୁ । କ୍ଷୀର ଫୁଟିଆସିଲେ ଚାଉଳକୁ ଧୋଇ ପକାନ୍ତୁ । କ୍ଷୀର ଫୁଟି ଫୁଟି ଗାଢ଼ା ହୋଇ ଆସୁଥିବ, ତାଭିତରେ ଚାଉଳ ମଧ୍ୟ ସିଝି ଯାଇଥିବା ତିନି ଭାଗ ହୋଇ ଯିବା ପରେ ଖୁଆ ଓ ଚିନି ଏକାଠି ଗୋଳେଇ କ୍ଷୀରୀରେ ପକାନ୍ତୁ । ଗୁଜୁରାତି ଗୁଣ୍ଡ କରି ପକାନ୍ତୁ । ସେ ଫୁଟି ଫୁଟି ସିଝି ଗାଢ଼ା ହୋଇଗଲେ କର୍ପୁର ଦେଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ କ୍ଷୀରୀ ପ୍ରସ୍ତୁତ ହୋଇଗଲା । ଏହି କ୍ଷୀରୀ ମାଘ ମାସ ପଦ୍ମ ବେଶ ଓ ଗଜ ଉଦ୍ଧାରଣ ବେଶରେ ପୂର୍ଣ୍ଣିମା ଦିନ ଭୋଗ ଲାଗି ହୁଏ ମହାପ୍ରଭୁ ଶ୍ରୀ ଜଗନ୍ନାଥଙ୍କ ପାଖରେ ।

ସୁଜି କ୍ଷୀରୀ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ସୁଜିକୁ ଖାଲି ଭାଜି ରଖିଦିଅନ୍ତୁ । ହାଲକାରେ ଭାଜିବେ । ଲାଲ୍‌ କରିବେ ନାହିଁ-। ତା ପରେ କ୍ଷୀର ବସାନ୍ତୁ । କ୍ଷୀର ଫୁଟି ଗଲେ ସୁଜି ପକାଇ ଗୋଳାନ୍ତୁ ଯେପରି ମୁଣ୍ଡା ନ ହୁଏ ତଳ ମଧ୍ୟ ଲାଗି ନଯାଏ ସେଥିପ୍ରତି ଧ୍ୟାନ ଦେବେ । କ୍ଷୀର ପୁରା ଘାଣ୍ଟୁଥିବେ ନହେଲେ ତଳେ ଲାଗି ଯିବାର ସମ୍ଭାବନା । କ୍ଷୀରୀ ଫୁଟି ଫୁଟି ଅଧା ହୋଇଗଲେ ଚିନି ପକାନ୍ତୁ । ଗୁଜୁରାତିଗୁଣ୍ଡ ପକାନ୍ତୁ । କିସ୍‌ମିସ୍‌ ଘିଅରେ ଭାଜିପକାନ୍ତୁ । ବାକି ଘିଅ କ୍ଷୀରୀରେ ପକାଇ ଗୋଳେଇ ଦିଅନ୍ତୁ । ପୁରା କ୍ଷୀରୀ ବହଳିଆ ହୋଇ ଆସିଲେ ଓହ୍ଲାଇ ଦିଅନ୍ତୁ । କର୍ପୂର ଟିକେ ପକାଇ ଗୋଳେଇ ଦିଅନ୍ତୁ ।

ପ୍ରସ୍ତୁତ :

ବର୍ତ୍ତମାନ କ୍ଷୀରୀ ପ୍ରସ୍ତୁତ । ଏହି କ୍ଷୀରୀ ପଦ୍ମବେଶ କୃଷ୍ଣ ପକ୍ଷ ତୃତୀୟାରେ ଓ ଗଜ ଉଦ୍ଧାରଣ ପୂର୍ଣ୍ଣିମାରେ ଭୋଗ ହୁଏ ।

ଚୂଡ଼ା କଦମ୍ବା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ନଡ଼ିଆକୁ କୋରି ଅଳ୍ପ ଉଷୁମ ପାଣିରେ ତାର ରସବାହାର କରିଦିଅନ୍ତୁ । ଚୂଡ଼ା ଓ ଚିନି କୁ ମିଶାନ୍ତୁ । ଚିନି ମିଶିଗଲା ପରେ ସର ପକାଇ ମିଶାନ୍ତୁ । ତା ପରେ ନଡ଼ିଆ ରସ ପକାଇ ଭଲ ଭାବରେ ମିଶାନ୍ତୁ । ନଡ଼ିଆ ରସ ମିଶିଗଲା ପରେ ଘିଅ ଓ ଗୁଜୁରାତି ଗୁଣ୍ଡ ପକାଇ ଭଲ ଭାବରେ ଦଳନ୍ତୁ । ଏଥିରେ ଅଧିକ ଘିଅ ଦରକାର ହୁଏ । ଆଉ ମିଠା ଦରକାର ହେଲେ ୫୦ ଗ୍ରାମ ଚିନି ପକାଇ ପାରନ୍ତି । ଚୂଡ଼ା କଦମ୍ବା ନଡ଼ିଆ ରସରେ ତିଆରି ହୁଏ ।

ପ୍ରସ୍ତୁତ :

ଏବେ ଚୂଡ଼ା କଦମ୍ବା ପ୍ରସ୍ତୁତ ହୋଇଗଲା । ଜଗନ୍ନାଥଙ୍କ ପାଖରେ ଭୋଗ ହୁଏ ଏବଂ ବୈଶାଖମାସ ସରନ୍ତି ସୋମବାରେ ଲୋକନାଥଙ୍କ ପାଖରେ ଭୋଗ ଲାଗେ ।

ଚୂଡ଼ା ଘସା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ନଡ଼ିଆ କୋରି ଚୁଡ଼ାଗୁଣ୍ଡରେ ପକାଇ ତାଟ କିମ୍ବା ବଡ଼ ପରାତ ଥାଳିରେ ଘସନ୍ତୁ। ଚୂଡ଼ା ନଡ଼ିଆ ଭଲ ଭାବରେ ଘଷି ସାରିଲା ପରେ ଚିନି ଦେଇ ଦୁଇ ହାତରେ ଘସନ୍ତୁ । ଘିଅ ପକାଇ ଭଲ ଭାବରେ ମିଶାନ୍ତୁ । ଦେଖିବେ ଚୂଡ଼ା ଗୁଣ୍ଡ ଝରି ନପଡ଼େ । ଦରକାର ପଡ଼ିଲେ ଆଉ ଘିଅ ଦେଇ ପାରନ୍ତି । ତା’ ପରେ ମହୁ ଗୁଜୁରାତି ଗୁଣ୍ଡ, ଅଳେଇଚ ଗୁଣ୍ଡ, ଗୋଲ ମରିଚ ଗୁଣ୍ଡ ପକାଇ ଗୋଳାନ୍ତୁ । ସବୁ ମିଶି ଗଳାପରେ କର୍ପୂର ଟିକେ ପକାଇ ଦଳି ଦିଅନ୍ତୁ ।

ପ୍ରସ୍ତୁତ :

ଏବେ ଚୂଡ଼ା ଘସା ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ପାଖରେରେ ଭୋଗ ହୁଏ । ବିଶେଷକରି ବୈଶାଖ ମାସ ସରନ୍ତି ସୋମବାରରେ ଲୋକନାଥଙ୍କ ନିକଟରେ ଭୋଗ କରାଯାଏ ।

ବିରିଗୁଳି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରିକୁ ରାତିରେ ବତୁରାଇ ଦିଅନ୍ତୁ । ତାକୁ ଧୋଇ ଛାଣି ଶୁଖିଲା ବାଟି ଦିଅନ୍ତୁ । ଏହି ବାଟାକୁ ଭଲ ଭାବରେ ଫେଣ୍ଟି ନିଅନ୍ତୁ । ଗୁଡ଼ ପକାଇ ଗୋଳାନ୍ତୁ । ସେ ଟିକେ ପାଣିଆ ହୋଇଯିବ ତା ପରେ ଚାଉଳ ଚୂନା ପକାଇ ଗୋଳାଇ ଦିଅନ୍ତୁ । ଟିକେ ଶୁଖିଲା ଆସି ଯିବ । ନଡ଼ିଆ କୋରା ମସଲାଗୁଣ୍ଡ, କର୍ପୂର ଓ ଲୁଣ ପକାଇ ଭଲ ଭାବରେ ଫେଣ୍ଟି ଦିଅନ୍ତୁ । କଡ଼ାଇରେ ଘିଅ ଗରମ କରି ବିରିକୁ ଗୁଲୁଗୁଲା ଛାଣିଲା ପରି ଟିକି ଟିକି ଗୋଲ ଗୋଲ ଛାଣି ରଖନ୍ତୁ ।

ପ୍ରସ୍ତୁତ :

ଏବେ ବିରିଗୁଳି ତିଆରି ହୋଇଗଲା । ଏହା ଛପନ ଭୋଗରେ ମଧ୍ୟ ସ୍ଥାନ ପାଇଛି ।

ଲୁଣି ଖୁରୁମା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଅଟାରେ ୨ ରୁ ୪ ଚାମଚ ଘିଅ, ଜୁଆଣୀ ଓ ଲୁଣ ପକାଇ ଭଲ ଭାବରେ ଗୋଳେଇ ଦିଅନ୍ତୁ । ତା’ପରେ ଅଳ୍ପ ପାଣି ପକାଇ ଚକଟି ଦିଅନ୍ତୁ । କଡ଼ାଇରେ ଘିଅ ଗରମ କରି ଚକଟା ଅଟାକୁ ପୁରି ଚୁଳା ପରି ଛିଡ଼ାଇ ହାତରେ ଗୋଲ ଗୋଲ କରି ପେଡ଼ାପରି ଚାପି ଚାପି ଲୁଣି ଖୁରମାକୁ ଘିଅରେ ଛାଣି ରଖନ୍ତୁ ।

ପ୍ରସ୍ତୁତ :

ଏବେ ପ୍ରସ୍ତୁତି ହୋଇଗଲା ଲୁଣି ଖୁରୁମା ।

ଗୋଟା ବାଇଗଣ

ଆବଶ୍ୟକ ସାମଗ୍ରୀ :

ପେଣ୍ଡି ବାଇଗଣ ଗୋଟା ସାଇଜର କିମ୍ବା ମାଧ୍ୟମ ସାଇଜର ।

ପ୍ରସ୍ତୁତି ପ୍ରଣାଳୀ :

ବାଇଗଣ ଧୋଇ ତା ନାଶି ପାଖ ଟିକେଟିକେ କାଟି ଦେବେ । ଡେମ୍ପ ପୁରା କଟିବେ ନାହିଁ । ଡେମ୍ପ ରହିବ । ବାଇଗଣକୁ ଚାରି ଖଣ୍ଡ କରି କାଟିବେ ଯେପରି ଗୋଟା ଥିବ । ସବୁ ବାଇଗଣ କାଟି ଘିଅରେ ଛାଣି ରଖନ୍ତୁ । ବିରି ବଟାକୁ ବଡ଼ି ପରି ଛାଣି ରଖନ୍ତୁ । ବାକି ଘିଅରେ ଫୁଟଣ, ତେଜପତ୍ର ଫୁଟାଇ ଧନିଆ, ଜିରା, ଗୋଲମରିଚକୁ ବାଟି ଏଇ ଫୁଟଣରେ ପକାଇ କଷନ୍ତୁ-। ତା’ପରେ ନଡ଼ିଆରସ ଓଜାଡ଼ନ୍ତୁ । କିମ୍ବା ନଡ଼ିଆ ୧ ଫାଳ ଚିକଣ କରି ବାଟି ଦେଇପାରନ୍ତି-। ତା’ପରେ ଗୋଟା ବାଇଗଣ ଛଣା, ବିରି ଛଣା ପକାଇ ଫୁଟାନ୍ତୁ । ଦରକାର ପଡ଼ିଲେ ପାଣି ଅଳ୍ପ ଦିଅନ୍ତୁ । ଲୁଣ ହଳଦୀଗୁଣ୍ଡ ପକାନ୍ତୁ । ସେ ସିଝିଗଲା ପରେ ଲବଙ୍ଗ ଓ ଡାଳଚିନି ବଟା ଦେଇ ଫୁଟାନ୍ତୁ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ପ୍ରସ୍ତୁତ ହେଲା ଗୋଟା ବାଇଗଣ ।

ଜୁଆଣୀ ରୁଟି ବା ଖଳି ରୁଟି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ କଡ଼ାଇରେ ପାଣିଦେଇ ଜୁଆଣୀ ପକାନ୍ତୁ । ପରିମାଣ ଦେଖି ଲୁଣ ପକାନ୍ତୁ । ପାଣି ଫୁଟିଗଲେ ଅଟା ପକାଇ ଜନ୍ତି ନିଅନ୍ତୁ । ଜନ୍ତାକୁ ଓହ୍ଲାଇ ଥଣ୍ଡାକରି ଚକଟି ଦିଅନ୍ତୁ । ତାପରେ ଛୋଟ ଛୋଟଗୁଳା କରି ରୁଟି ବେଲି ଘିଅ ପକାଇ ଭାଜିରଖନ୍ତୁ । ଏହା ଦେହ ପାଇଁ ପେଟ ପାଇଁ ବହୁତ ହିତ କର ଅଟେ ।

ପ୍ରସ୍ତୁତ :

ଜୁଆଣୀ ରୁଟି ପ୍ରସ୍ତୁତ ହୋଇଗଲା ।

କାର୍ତ୍ତିକ ମାସ ବାଳଭୋଗ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଲିଆ ଗୋଟେ ପାତ୍ରରେ ରଖନ୍ତୁ । ସେଥିରେ ଘିଅ ଓ ଲୁଣ ଛିଞ୍ଚି ଗୋଳେଇ ଦିଅନ୍ତୁ । ତାପରେ ଅଦା, ଚୁନା ଚୁନା କଟା ହୋଇଥିବା ନଡ଼ିଆ ପାତକୁ ଗୋଳେଇ ଦିଅନ୍ତୁ । ଏବେ ବାଳଭୋଗ ପ୍ରସ୍ତୁତ ହୋଇଗଲା । ନଡ଼ିଆ କଟା, ଅଦାକଟା ଗୋଳେଇ ରଖିବେ ନାହିଁ କାରଣ ଲିଆ ନରମ ହୋଇଯିବ । ଏହା କାର୍ତ୍ତିକ ମାସରେ ଜଗନ୍ନାଥଙ୍କ ନିକଟରେ ଭୋଗ ଲାଗେ ।

ପ୍ରସ୍ତୁତ :

ବାଳଭୋଗ ତିଆରି ହୋଇଗଲା । ଖୁଆନ୍ତୁ ଓ ଖାଆନ୍ତୁ ।

ଖଜା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚିନିରେ ପାଣି ଦେଇ ସିରା ବନାଇ ରଖନ୍ତୁ । ସିରା ଅଧିକମୋଟା କରିବେ ନାହିଁ କି ପତଳା ମଧ୍ୟ କରିବେ ନାହିଁ । ଅଳ୍ପ ବହଳିଆ ଥିବା ଦରକାର । ଅଧଗିନା ମଇଦାରେ ତରଳା ଘିଅ ପକାଇ ପେଷ୍ଟ ପରି କରି ରଖନ୍ତୁ । ମଇଦାରେ ଅଳ୍ପ ପାଣିଦେଇ ଅଟା ଚକଟିଲା ପରି ନରମ ଚକଟନ୍ତୁ । ପାଣିଆ କିମ୍ବା ଅତି କାଠୁଆ ଚକଟିବେ ନାହିଁ । ମିଡ଼ିୟମ ଚକଟା ହେଲେ ଭଲ । ମଇଦା ଚକଟାକୁ ଲମ୍ବାଳିଆ ବା ଓଭାଲ ସାଇଜରେ ବେଲନ୍ତୁ । ଏହାକୁ ଲମ୍ବା ପଟାରେ ବେଲିଲେ ଭଲ । ଏହି ବେଲାରେ ମଇଦା ପେଷ୍ଟ ଲଗାଇ ଦିଅନ୍ତୁ । ଲଗାଇ ସାରି ତାକୁ ତଳୁ ଆସ୍ତେ ଆସ୍ତେ ରୋଳକରି ଆଣନ୍ତୁ । ରୋଲକରି ଆଉଥରେ ଚକଟି ପୁଣି ଆଉଥରେ ଲମ୍ବାଳିଆ ବେଲନ୍ତୁ । ବେଲିସାରି ପୁଣି ଆଉଥରେ ମଇଦାପେଷ୍ଟ ଲଗାଇ ଦିଅନ୍ତୁ । ପୁଣି ତାକୁ ରୋଲକରି ଛୁରି ସାହାଯ୍ୟରେ ଛୋଟ ଛୋଟ କାଟି ଦିଅନ୍ତୁ । କଡ଼ାଇରେ ଘିଅ ଗରମ କରନ୍ତୁ । ଅଧିକ ଗରମ କରିବେ ନାହିଁ । ଏହି କଟାରୁ ଗୋଟେ ଗୋଟେ ନେଇ ଲମ୍ବାଳିଆ ବେଲନ୍ତୁ । ବେଲି ସାରି ତାକୁ ଘିଅରେ ଛାଣି ସିରାରେ ପକାଇ ଉଠାଇ ରଖନ୍ତୁ ।

ପ୍ରସ୍ତୁତ :

ଏବେ ଖଜା ତିଆରି ହୋଇଗଲା ଖୁଆନ୍ତୁ ଓ ଖାଆନ୍ତୁ । ଶ୍ରୀ ଜଗନ୍ନାଥଙ୍କ ନିକଟରେ ସବୁବେଳେ ଭୋଗ ହୁଏ । ଲୋକନାଥଙ୍କ ନିକଟରେ ଶିବରାତ୍ରିରେ ଭୋଗ ଲାଗେ ।

ଗୋଟା ସୋଲା ବା ଛୋଲେ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଗୋଟା ସୋଲାକୁ ରାତିରେ ବତୁରାଇ ଦିଅନ୍ତୁ । ତାପର ଦିନ ସକାଳେ ତାକୁ ଧୋଇ ପ୍ରେସରରେ ସିଝାଇ ଦିଅନ୍ତୁ । କଡ଼ାଇରେ ଘିଅଗରମ କରି ଜିରା, ତେଜପତ୍ର ଫୁଟାନ୍ତୁ । ବଟା ମସଲା ପକାଇ କସନ୍ତୁ । ମସଲା କଷି ହୋଇଗଲେ ନଡ଼ିଆ କୋରା ପକାନ୍ତୁ । ଅଳ୍ପ ଟିକେ ପାଣିଦେଇ ଲଙ୍କାଗୁଣ୍ଡ, ଲୁଣ ଓ ହଳଦୀଗୁଣ୍ଡ ପକାଇ ଫୁଟାନ୍ତୁ । ମସଲା ସୋଲା ସିଝି ଯୁକୁ ଯୁକିଆ ହୋଇଗଲେ ଗରମ ମସଲା ଗୁଣ୍ଡ ପକାଇ ଗୋଳେଇ ଗୋଳେଇ ଓହ୍ଲାଇ ଦିଅନ୍ତୁ । ଧନିଆପତ୍ର ପକାନ୍ତୁ ।

ପ୍ରସ୍ତୁତ :

ଏବେ ଗୋଟା ସୋଲା ପ୍ରସ୍ତୁତ ହୋଇଗଲା । ଏହା ପ୍ରଭୁଙ୍କ ପାଖରେ ଭୋଗଲାଗେ ।

ଦହିବରା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରି ଓ ମୁଗ ଡାଲିକୁ ୩ ରୁ ୪ ଘଣ୍ଟା ବତୁରାଇ ଦିଅନ୍ତୁ । ତାକୁ ଧୋଇ ଚିକ୍କଣ ନକରି ଟିକେ ଖଦଡ଼ା କରି ଶୁଖିଲା ବାଟି ଦିଅନ୍ତୁ । କଡ଼ାଇରେ ଘିଅ ଗରମ କରି ବିରିବଟା ରେ ଅଦାକଟା, ସୋଢ଼ା, ଲୁଣ ପକାଇ ଫେଣ୍ଟି ଗୋଟିକେ ଗୋଟିଏ ବରା ଛାଣି ପାଣିରେ ପକାନ୍ତୁ । ପାଣିରୁ ଛାଣି ଅଲଗା ଥାଳିରେ ରଖନ୍ତୁ । ତା’ପରେ ଦହିରେ ଲୁଣ ପକାନ୍ତୁ । ଜିରା ଗୁଣ୍ଡ ପକାଇ ଫେଣ୍ଟି ବରା ଉପରେ ଢାଳି ଦିଅନ୍ତୁ । ଦହିବରା ଉପରେ କିଛି ଜିରା ଗୁଣ୍ଡ ଛିଞ୍ଚି ଦିଅନ୍ତୁ । ଧନିଆପତ୍ର କଟା ମଧ୍ୟ ଛିଞ୍ଚିଦିଅନ୍ତୁ ।

ପ୍ରସ୍ତୁତ :

ଦହିବରା ପ୍ରସ୍ତୁତ ହୋଇଗଲା । ଦହିବରା ମଧ୍ୟ ପ୍ରଭୁଙ୍କ ପାଖରେ ଭୋଗ ଲାଗେ ।

କ୍ଷୀରା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ କ୍ଷୀରକୁ ଫୁଟାନ୍ତୁ । ଚିନି ଖୁଆକୁ ଏକାଠି ଦଳି କ୍ଷୀରରେ ପକାନ୍ତୁ । ଏଇ କ୍ଷୀରକୁ ଲୁହା ଖଡ଼ିକାରେ ଘାଣ୍ଟୁଥିବେ । ନଚେତ ଟିକେ ଛାଡ଼ିଦେଲେ ତଳଲାଗି ଯିବାର ସମ୍ଭାବନା ବହୁତ । କ୍ଷୀର ଗାଢ଼ା ହୋଇଗଲେ ଗୁଜୁରାତି ଗୁଣ୍ଡ ପକାଇ ଗୋଳେଇ ଓହ୍ଲାଇ ଦିଅନ୍ତୁ । କ୍ଷୀରା ହୋଇ ଆସିଲେ ଛେନା ଗୋଳେଇ ଦିଅନ୍ତୁ ।

ପ୍ରସ୍ତୁତ :

ବର୍ତ୍ତମାନ କ୍ଷୀରା ହୋଇଗଲେ । ଏହା ଜଗନ୍ନାଥଙ୍କ ଅତି ପ୍ରିୟା ଖାଦ୍ୟ ।

ଆମ୍ବୁଲ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଦଳୀକୁ ଭଲଭାବରେ ଚକଟନ୍ତୁ ଯେପରି ଖଣ୍ଡ ନ ରହିବ । ଅଟାରେ, ଗୁଡ଼, କଦଳୀ ଚକଟା ପକାଇ ଅଳ୍ପପାଣି ଦେଇ ଚକଟନ୍ତୁ । ଚକଟା ପିଠଉ ଠାରୁ ଅଳ୍ପ ପତଳା ହେବ । ଏହା ତଇ ସାହାଯ୍ୟରେ ଛଣା ହେବ । ତଇରେ ଘିଅ ଗରମ କରି ଗିନାଏ ଅଟା ଗୋଳାନ୍ତୁ ଓଜାଡ଼ନ୍ତୁ । ଏହାକୁ କାଠି ସାହାଯ୍ୟରେ ଲେଉଟାଇ ଛାଣି କାଢ଼ିରଖନ୍ତୁ ।

ପ୍ରସ୍ତୁତ :

ଏବେ ଅମ୍ବୁଲୁ ତିଆରି ହୋଇଗଲା । ପ୍ରତ୍ୟେକଦିନ ଜଗନ୍ନାଥଙ୍କ ପକାହରେ ଭୋଗ ଲାଗେ-।

ମାଲପୁଆ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଅଟାରେ କଦଳୀ, ଗୁଡ଼, ପାନ ମାଧୁରୀ ଲୁଣ ପକାଇ ପାଣିଦେଇ ବହଳିଆ ଗୋଳାନ୍ତୁ । କଡ଼ାଇ ଘିଅ ଗରମ କରି ଡଙ୍କିଏ ଡଙ୍କିଏ ପକାଇ ଛାଣି ରଖନ୍ତୁ । ଏହା ଆରିସାପିଠା ଠାରୁ ଟିକେ ବଡ଼ ବଡ଼ ହେବ ଏବଂ ଘିଅ ବେଶୀ ଟାଣିବ ।

ପ୍ରସ୍ତୁତ :

ଏବେ ମାଲପୁଆ ପ୍ରସ୍ତୁତ ହୋଇଗଲା ।

ହବିଷ ଡାଲମା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ମୁଗ ଡାଲିକୁ ୨/୩ ଘଣ୍ଟା ବତୁରାଇ ଦିଅନ୍ତୁ । ମୁଗ ଡାଲି ବତୁରି ଗଲାପରେ ତାକୁ ଧୋଇ ତାର ଚୋପ କରିଦିଅନ୍ତୁ । ଚୂଲୀରେ ଡେକିଚି ବସାଇ ପାଣି ଦିଅନ୍ତୁ, ମୁଗ ଡାଲିକୁ ପକାନ୍ତୁ । ମୁଗ ଡାଲି ଫୁଟି ଆସିଲେ ସାରୁ ଚୋପା ଛଡ଼ାଇ ଧୋଇ ପକାନ୍ତୁ । କଞ୍ଚା କଦଳୀରୁ ଚୋପଛଡ଼ାଇ ପକାନ୍ତୁ । ନଡ଼ିଆ କୋରି ପକାନ୍ତୁ । ଡାଲି ସାରୁ ସିଝି ଆସିଲେ ଓଉରୁ ଚୋପା ଛଡ଼ାଇଦର ଦର ଛେଚା କରି ପକାନ୍ତୁ । ଅଦା ଛେଚି ପକାନ୍ତୁ । ପରିମାଣ ଅନୁସାରେ ଲୁଣ ପକାଇ ଅଧା ଘୋଡ଼ାଇ ଦିଅନ୍ତୁ । ସିଝି ଗଲେ ଘିଅ ପକାନ୍ତୁ । ଏହା ଭିତରେ ଅଗସ୍ତି ପତ୍ର ୨ ରୁ ୪ ଟା ମଧ୍ୟ ପକାଯାଏ । ସିଝି ଗଲେ ଧନିଆ ପତ୍ର ପକାଇ ଓହ୍ଲାଇ ଦିଅନ୍ତୁ । ଏବେ ହବିଷ ଡାଲମା ପ୍ରସ୍ତୁତ ହୋଇଗଲା ।

ପ୍ରସ୍ତୁତ :

ଏହା କାର୍ତ୍ତିକ ମାସରେ ପ୍ରାୟ କରାଯାଏ ।ଏହା ପ୍ରଭୁଙ୍କ ନିକଟରେ ଭୋଗ କରାଯାଏ ।

ମହୁର

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପରିବାକୁ ଛୋଟ ଛୋଟ କାଟି ଧୋଇ ରଖନ୍ତୁ । ମସଲାକୁ ବାଟି ରଖନ୍ତୁ । ଡାଲଚିନି, ଅଳେଇଚକୁ ଅଲଗା ବାଟି ରଖନ୍ତୁ । କଡ଼େଇରୁ ପାଣି ଦେଇ ପରିବା ଗୁଡ଼ିକ ପକାଇ ଦିଅନ୍ତୁ । ତା’ ଭିତରେ ତେଜପତ୍ର ପକାନ୍ତୁ । ପରିବା ସିଝିଗଲେ ନଡ଼ିଆ କୋରା ପକାନ୍ତୁ । ତା’ପରେ ମସଲା ବଟା ଦିଅନ୍ତୁ । ଆଉ ଗୋଟେ କଡ଼ାଇରେ ଘିଅ ପକାଇ ଫୁଟଣ ଫୁଟାନ୍ତୁ । ତାପରେ ମହୁରକୁ ପକାଇ ବଘାରନ୍ତୁ । ବଘାରି ସାରି ଡାଲଚିନି ଅଳେଇଚ ବଟା ଦେଇ ଓହ୍ଲାଇ ଧନିଆ ପତ୍ର ପକାନ୍ତୁ ।

ପ୍ରସ୍ତୁତ :

ଏଥର ମହୁର ପ୍ରସ୍ତୁତ ହୋଇଗଲେ । ଏହା ଜଗନ୍ନାଥଙ୍କର ଭୋଗ ଲାଗେ ।

ମାଠପୁଳି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଚୋପାଲଗା ବିରି ହେଲେ ଭଲ । ସ୍ଵାଦ ମଧ୍ୟ ଲାଗିବ । ପ୍ରଥମେ ଫାଳ ବିରି ଡାଲିକୁ ୩ ରୁ ୪ ଘଣ୍ଟା ବତୁରାଇ ଦିଅନ୍ତୁ । ସେ ବତୁରିଗଲେ ତାକୁ ଧୋଇ ଧାଇ ତାର ଚୋପା କାଢ଼ି ଦିଅନ୍ତୁ । ତାକୁ ଛାଣି ଶିଳରେ ଶୁଖିଲା ଶୁଖିଲା ଅଳ୍ପ ଖଦଡ଼ା ଖଦଡ଼ା ବାଟି ରଖନ୍ତୁ । ପୁରା ଚିକ୍କଣ କରିବେ ନହିଁ-। ତା ଭିତରେ ଚାଉଳ ଅଟା ମିଶାନ୍ତୁ-। ତା ଭିତରେ ଜିରା କୁ ଟିକେ ଛେଚି ତାର ଗୁଣ୍ଡ ପକାନ୍ତୁ । ଅଦାଛେଚା ଓ ହେଙ୍ଗୁ ପାଣି ଟିକେ କରି ଗୋଳି ପକାନ୍ତୁ । ସବୁକୁ ଏକାଠି ଭଲ ଭାବରେ ଗୋଳେଇ ଦିଅନ୍ତୁ । ତାପରେ କଦଳୀ ପତ୍ରରେ ଗୋଟେ ଗୁଳାନେଇ ପୁରି ପରି ତିଆରି ଦିଅନ୍ତୁ । କଡ଼ାଇରେ ଘିଅ ଗରମ କରନ୍ତୁ । ପାଣି ହାତ କରି ଅତି ସାବଧାନରେ ଛାଣନ୍ତୁ । ନ ହେଲେ ପିଠଉ ହାତରେ ଲାଗି ଯିବ । ଆସ୍ତେ କରି କଦଳିପତ୍ରରୁ ବାହର କରି ଛାଣିବାକୁ ହେବ ।

ପ୍ରସ୍ତୁତ :

ଏବେ ମାଠପୁଳି ତିଆରି ହୋଇଗଲା । ଏହା ଜଗନ୍ନାଥଙ୍କ ପାଖରେ ଭୋଗ କରାଯାଏ-।

ଓଉ ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଓଉକୁ ଫାଳକରି ଚୋପାଛଡ଼ାଇ ସରୁ ସରୁକାଟି ଦିଅନ୍ତୁ । ତାକୁ ଧୋଇ ସିଝାନ୍ତୁ । ସିଝିଗଲେ ଓହ୍ଲାଇ ଛାଣି ରଖନ୍ତୁ । କଡ଼ାଇରେ ଘିଅ ଦେଇ ଫୁଟଣ ଭୁରସୁଙ୍ଗା ପତ୍ର ଫୁଟାନ୍ତୁ । ଶୋରିଷ ବଟା ଓଉ ପକାଇ କଷନ୍ତୁ । ଓଉ ଟିକେ କଷି ହୋଇ ଗଲେ ଗୁଡ଼ ପକାନ୍ତୁ । ଅଳ୍ପ ଟିକେ ପାଣି ଦିଅନ୍ତୁ । ଲୁଣ ଓ ହଲଦିଗୁଣ୍ଡ ପକାନ୍ତୁ । ବୁଟ ସିଝା, ନଡ଼ିଆ କୋରା ପକାଇ ଫୁଟାନ୍ତୁ । ସେ ସବୁ ଭଲ ଭାବରେ ସିଝିଗଲେ ଡାଲଚିନି ଗୁଣ୍ଡ ପକାଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ଓଉ ଖଟା ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ପ୍ରିୟ ଖାଦ୍ୟ ।

କଖାରୁ ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଖାରୁ ଛୋଟ ଛୋଟ କାଟି ଧୋଇ ଦିଅନ୍ତୁ । କଡ଼ାଇରେ ଘିଅ ଗରମ କରି ଭୁରୁସୁଙ୍ଗା ପତ୍ର ଫୁଟଣ ପକାନ୍ତୁ । ତା ପରେ କଖାରୁ ପକାଇ କଷନ୍ତୁ । ଅଳ୍ପ ପାଣି ଗୁଡ଼ ପକାନ୍ତୁ । ଲୁଣ ଓ ହଲଦିଗୁଣ୍ଡ ପକାନ୍ତୁ । ନଡ଼ିଆ କୋର ପକାନ୍ତୁ । କଖାରୁ ସିଝି ଗଲେ ଚାଉଳ ଗୁଣ୍ଡ ପକାନ୍ତୁ । ଟିକେ ବହଳିଆ କରିବେ ଓ ଟେଷ୍ଟ ମଧ୍ୟ ଲାଗିବ ।

ପ୍ରସ୍ତୁତ :

ଏବେ କଖାରୁ ଖଟା ତିଆରି ହୋଇଗଲା । ଏହା ଜଗନ୍ନାଥଙ୍କ ନିକଟରେ ଭୋଗ ଲାଗେ-।

ଆମ୍ବ ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଆମ୍ବ ଗୁଡ଼ିକ ଧୋଇ ଛୋଟ ଛୋଟ ଖଣ୍ଡ କରି କାଟି ଦିଅନ୍ତୁ । ଘିଅ ଗରମ କରି ଫୁଟଣ କରନ୍ତୁ । ଆମ୍ବ ଗୁଡ଼ିକ ପକାଇ ସନ୍ତଳନ୍ତୁ । ଆମ୍ବ ସନ୍ତୁଳା ସରିଲେ ଗୁଡ଼ ପକାନ୍ତୁ । ଆମ୍ବ ସିଝିବା ପାଇଁ ଅଳ୍ପ ପାଣି ଦିଅନ୍ତୁ । ସିଝି ଗଲେ ଜିରା ଲଙ୍କା ଗୁଣ୍ଡ ଗରମ ମସଲା ପକାଇ ଗୋଳେଇ ଓହ୍ଲାଇ ଦିଅନ୍ତୁ । ଏହାଭିତରେ ନଡ଼ିଆ କୋର ଦେଇ ପାରିବେ । ଆମ୍ବ ସନ୍ତୁଳାବେଳେ ମଧ୍ୟ ୨ ଚାମଚ ଶୋରିଷବଟା ଦେଇ ପାରିବେ ।

ପ୍ରସ୍ତୁତ :

ଏବେ ଆମ୍ବ ଖଟା ପ୍ରସ୍ତୁତ ହୋଇଗଲା ।

ଡାଳିମ୍ବ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଅଟାରେ ଜୁଆଣୀ ପକାଇ ଘିଅ ତରଲାଇ ମଏମ ଦେଇ ଭଲ ଭାବରେ ମିଶାନ୍ତୁ । ଅଟାରେ ଘିଅ ଦେଇ ଯେତେ ଦଳି ଦେବେ ଡାଳିମ୍ବ ସେତେ ଭଲ ହେବ । ମଏମ ଦେଇ ସାରିଲେ ତା ଭିତରେ ଅଳ୍ପ ପାଣି ଦେଇ ଚକାଟନ୍ତୁ । ଅଧିକ ପାଣି ଦେବେ ନାହିଁ କାରଣ ପାଣିଆ ହୋଇଯିବ-। କାଠୁଆ ଚକଟା ହେଲେ ଭଲ । ତା ପରେ ତାକୁ ଟିକିଟିକି ଗଇଁଠା ପରି କରି ଛାଣିବ-। ଧୀର ଜାଳରେ ପକାଇ ଛାଣି ଦେବେ । ଅନ୍ୟଏକ ପାତ୍ରରେ ଗୁଡ଼କୁ ଟାଣପାଗ କରି ଏଇ ଡାଳିମ୍ବ ଛଣା ପକାଇ ଗୋଳାନ୍ତୁ । ତା ପରେ ସାଙ୍ଗେ ସାଙ୍ଗେ ପାତ୍ରରେ ଘିଅମାରି ଏଇ ଡାଳିମ୍ବ ଓଜାଡ଼ନ୍ତୁ କିମ୍ବା ସଢ଼େଇରେ ଓଜାଡ଼ି ସେଟ କରନ୍ତୁ । ସେଟ୍‌ ହୋଇଗଲେ ତାକୁ ବାହାର କରି ଦିଅନ୍ତୁ। ଏହାକୁ ମାସେ ପର୍ଯ୍ୟନ୍ତ ରଖାଯାଇ ପାରିବ ।

ପ୍ରସ୍ତୁତ :

ଏବେ ଡାଳିମ୍ବ ପ୍ରସ୍ତୁତ ହୋଇଗଲା । ଏହା ଜଗନ୍ନାଥଙ୍କ ବଲ୍ଲଭ ଭୋଗରେ ଭୋଗ କରାଯାଏ ।

ମୋହନ ଭୋଗ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଡ଼େଇ ଗରମ କରି ଘିଅ ପକାନ୍ତୁ । ଘିଅରେ ତେଜପତ୍ର ଓ ସୁଜି ପକାଇ ଭଲ ଭାବରେ ଭାଜନ୍ତୁ । ଭାଜି ହୋଇଗଲେ ଅଳ୍ପ ପାଣି ଦିଅନ୍ତୁ। ତାପରେ ଚିନି ପକାନ୍ତୁ । ଚିନି ବହୁତ ସମୟ ଘାଣ୍ଟନ୍ତୁ । କିସ୍‌ମିସ୍‌ ଛାଣି ପାକାନ୍ତୁ । ଗୁଜୁରାତିକୁ ଗୁଣ୍ଡ କରି ପକାନ୍ତୁ । ପୁରା ଦାନାଦାନା ହୋଇ କଡ଼େଇରୁ ଛାଡ଼ିଗଲେ ଓହ୍ଲାଇ ଦିଅନ୍ତୁ। ଯାହାକୁ ଲୁଣ ଦରକାର ହେବ ଟିକେ ଲୁଣ ମଧ୍ୟ ପକାଇ ପାରିବେ ।

ପ୍ରସ୍ତୁତ :

ଏବେ ମୋହନ ଭୋଗ ପ୍ରସ୍ତୁତ ହୋଇଗଲା ।ଏହା ଜଗନ୍ନାଥଙ୍କ ପ୍ରିୟ ଖାଦ୍ୟ

ଛୁଞ୍ଚି ପତ୍ର

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଚାଉଳକୁ ରାତିରେ ବତୁରାଇ ଦିଅନ୍ତୁ । ସକାଳୁ ଧୋଇ ଦେଇ ତାକୁ ପୁରା ଚିକ୍କଣ କରି ବାଟି ଦିଅନ୍ତୁ । ଖଦଡ଼ା ରହିବ ନାହିଁ । ନଡ଼ିଆକୁ କୋରି ଚିନି, ଗୁଜୁରାତି ଗୁଣ୍ଡ ମିଶାଇ ରଖନ୍ତୁ । ପିଠଉରେ ଲୁଣ ପକାଇ ଗୋଳେଇ ରଖନ୍ତୁ । ତାୱାରେ ଘିଅ ଭଲଭାବରେ ଘସିଦେଇ ହାତରେ ପିଠଉ ନେଇ ତାୱାଉପରେ ଛାଟି ଛାଟି ଗୋଲ କରନ୍ତୁ । ମଝିରେ ନଡ଼ିଆ ପୁରଦେଇ ଚାରିଫୋଲ୍ଡ କରନ୍ତୁ। ପିଠଉ ପତଳା କରିବେ । ଦରକାର ପଡ଼ିଲେ ପାଣି ଯେତିକ ଲାଗିବ ଦେବେ । ହାତରେ ପିଠା ନହୋଇ ପାରିଲେ କନାକୁ ୨ ଇଞ୍ଚରେ ଫୋଲ୍ଡ କରି ପିଠଉରେ ବୁଡ଼ାଇ ତଳ ଉପର କରି ଗୋଲ କରନ୍ତୁ । ତା ମଝିରେ ପୁର ଦେଇ ୪ ଭାଙ୍ଗ କରି ଫୋଲ୍ଡ କରନ୍ତୁ ।

ପ୍ରସ୍ତୁତ :

ଏବେ ଛୁଞ୍ଚିପତ୍ର ପିଠା ହୋଇଗଲା । ଏହା ଜଗନ୍ନାଥଙ୍କ ପ୍ରିୟ ଖାଦ୍ୟ ।

ପାରିଜାତକ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ମଇଦାରେ ଦହି ଗୋଳାନ୍ତୁ । ଗୋଳା ଗୁଲୁଗୁଲା ପିଠଉ ପରି କାଠୁଆ କାଠୁଆ ହେବ । ମଇଦା, ଦହି ପାଣିଦେଇ ଗୋଳାଇବେ । ଯଦି ଘରେ ଛେନା ପାଣି ଅଛି ତାକୁ ମଧ୍ୟ ପକାଇ ଗୋଳେଇ ପାରିବେ । ଏହି ଗୋଳକୁ ୨ ରୁ ୩ ଘଣ୍ଟା ରଖିଦେବେ । ତା ପରେ କଡ଼େଇରେ ଘିଅ ଗରମ କରି ଗୁଲୁଗୁଲା ପରି ଗୋଲ ଗୋଲ ଛାଣି ରଖିବେ । ଆଉ ଗୋଟେ କଡ଼ାଇରେ ଚିନି ଓ ଅଳ୍ପ ପାଣି ଦେଇ ସିରା ବନାନ୍ତୁ । ଏ ସିରା ଟାଣ ସିରା ହେବ, ଯେମିତି ପାରି ଜାତକ ଗୁଡ଼ିକ ପଡ଼ିବ ସେମିତି ପାରଜାତକରେ ସିରା ଲାଗି ଯିବ । ପୁରା ଝରଝର ହୋଇ ଯିବ । ଉପର ଚିନି ଶୁଖିଲା ହୋଇ ଯିବ । ଏ ପାରିଜାତକ ଟିକେ ସାବଧାନରେ କରିବାକୁ ହେବେ ।

ପ୍ରସ୍ତୁତ :

ଏବେ ପାରିଜାତକ ପ୍ରସ୍ତୁତ ହୋଇଗଲା । ଏହା ପ୍ରଭୁଙ୍କର ପ୍ରଧାନ ଖାଦ୍ୟ ।

ଥାଳି ଖେଚେଡ଼ି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚାଉଳ ଓ ମୁଗ ଡାଲିକୁ ଧୋଇ ଫୁଟିବା ପାଣିରେ ପାକାନ୍ତୁ । ଅଦାଛେଚା, ଲୁଣ, ହେଙ୍ଗୁ ପକାନ୍ତୁ । ଖେଚେଡ଼ି ହୋଇ ଆସିଲାବେଳକୁ ଘିଅ ପକାନ୍ତୁ । ଡାଲଚିନି, ଗୁଜୁରାତି ଗୁଣ୍ଡ ଦେଇ ଗୋଳେଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ଥାଳି ଖେଚେଡ଼ି ପ୍ରସ୍ତୁତ ହୋଇଗଲା ।

ମୁଠି ଗଜା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଅଟାରେ ଘିଅ ଦେଇ ଭଲଭାବରେ ଦଳନ୍ତୁ ଯେତେ ଅଧିକ ଘିଅ ଦେବେ ଭଲ-। ଗଜା ନରମ ହେବ । ଦଳିସାରି ଅଳ୍ପ ପାଣି ଛିଞ୍ଚି ଚକଟନ୍ତୁ । ଚକଟି ସାରି ମୁଠାକରି ଚିପି ଚିପି ଗଢ଼ି ରଖିବେ । ଘିଅ ଗରମ କରି ବ୍ରାଉନ କଲର କରି ଗଜା ଗୁଡ଼ିକ ଛାଣି ରଖିବେ । ଚିନିରେ ଅଳ୍ପ ପାଣି ଦେଇ ଟାଣ ସିରା କରିବେ । ସିରା ଫୁଟି ଫୁଟି ଟାଣ ହୋଇ ଆସିଲେ ମୁଠିଗଜା ଗୁଡ଼ିକ ପକାଇ ଗୋଳେଇ କାଢ଼ିଦେବେ । ସାଙ୍ଗେ ସାଙ୍ଗେ ଗଜାରେ ସିରାଗୁଡ଼ିକ ଶୁଖି ଲାଗିଯିବ । ଏବେ ମୁଠି ଗଜା ପ୍ରସ୍ତୁତ ହୋଇଗଲା ।

ପ୍ରସ୍ତୁତ :

ରଥ ଉପରେ ଜଗନ୍ନାଥଙ୍କ ପାଖରେ ରହଣୀ ଭୋଗ ଲାଗେ ।

ସାଧା ଡାଲି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଡାଲିକୁ ଧୋଇ ଡେକିଚି କିମ୍ବା ପ୍ରେସର କୁକରରେ ପାଣି ଦେଇ ଡାଲି ଲୁଣ ହଳଦୀଗୁଣ୍ଡ ଦେଇ ସିଝାନ୍ତୁ । ତା’ଭିତରେ ନଡ଼ିଆ କୋର ଓ ଅଦା ଛେଚା ଅଧା ପକାଇ ଆଉ ଟିକେ ଫୁଟାନ୍ତୁ । ଡାଲି ଭଲଭାବରେ ସିଝିଗଲେ ଓହ୍ଲାଇ ଦିଅନ୍ତୁ । କଡ଼ାଇରେ ଘିଅ ଗରମ କରି ପଞ୍ଚଫୁଟଣ ବାକି ଅଦାଛେଚା ହେଙ୍ଗୁ ପକାନ୍ତୁ । ଫୁଟଣ ଫୁଟିଗଲେ ଡାଲି ଓଜାଡ଼ି ବଘାରନ୍ତୁ ।

ପ୍ରସ୍ତୁତ :

ଏବେ ଡାଲି ପ୍ରସ୍ତୁତ ହୋଇଗଲା । ସବୁଦିନେ ଜଗନ୍ନାଥଙ୍କ ପାଖରେ ଭୋଗ ଲାଗେ ।

ଅନ୍ନରସାବଳି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଚାଉଳକୁ ଧୋଇ ଅନ୍ନ ତିଆରିକରି ରଖନ୍ତୁ । ଯେମିତି ପେଜ ଅଂଶ ରହିବ ନହିଁ-। ଅନ୍ନ କୁ ଭଲ ଭାବରେ ଗାଳି ରଖିଦିଅନ୍ତୁ । ଏହି ଅନ୍ନରେ ସର, ରାବିଡ଼ି, ଖୁଆ, ଚିନି, ଘିଅ, ମସଲା ଗୁଣ୍ଡ, କିସ୍‌ମିସ୍‌ ପକାଇ ଗୋଳାନ୍ତୁ । ଏହା ମେଞ୍ଚା ମେଞ୍ଚା ହେବ । ଖାଇବାକୁ ବହୁତ ଟେଷ୍ଟ ମଧ୍ୟ । ଏହାକୁ ଆସ୍ତେ ଆସ୍ତେ ଭଲ ଭାବରେ ଗୋଳେଇବେ କିନ୍ତୁ ଅଧିକ ଚକଟିବେ ନହିଁ । ସବୁ ଗୋଳିଆ ଗୋଳି କରି ଅନ୍ନ ରସାବଳି ପରଷନ୍ତୁ ।

ପ୍ରସ୍ତୁତ :

ଅନ୍ନରସାବଳି ତିଆରି ହୋଇଗଲା । ଏହା ପ୍ରଭୁଙ୍କ ଛପନ ଭୋଗ ମଧ୍ୟରେ ଅନ୍ୟତମ ।

ଛେନା ତାଡ଼ିଆ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଛେନାକୁ ଭଲ ଭାବରେ ଦଳି ତା ଭିତରେ ମଇଦା ପକାଇ ଚକଟି ମିଶାଇ ଦିଅନ୍ତୁ । ଛେନା, ମଇଦା ମିଶିଗଲେ ତା ଭିତରେ ଅଳେଇଚ ଗୋଟା ବା ଗୁଣ୍ଡ ପକାଇ ମିଶାନ୍ତୁ । ଭଲଭାବରେ ମିଶି ଗଲେ ଛୋଟ ଛୋଟ ଛୋଟ ଗୁଳା କରନ୍ତୁ । ଏହି ଗୁଳାକୁ ଘିଅରେ ବରା ଛାଣିଲା ପରି ଟିକେ ମୋଟା ମୋଟା ଛାଣନ୍ତୁ । ଚିନିରେ ପାଣି ଦେଇ ସିରା ବନାଇ ଆଗରୁ ରଖିଥିବେ । ଏହି ତାଡ଼ିଆ ଛାଣି ସିରାରେ ପକାନ୍ତୁ ।

ପ୍ରସ୍ତୁତ :

ଛେନା ତାଡ଼ିଆ ଏବେ ପ୍ରସ୍ତୁତ ହୋଇଗଲା ।

ଜଗନ୍ନାଥ ବଲ୍ଲଭ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଡ଼େଇରେ ଘିଅ ଗରମ କରି ଅଟା ପକାଇ ଭାଜନ୍ତୁ । ଭଲଭାବରେ ଭାଜିହୋଇଗଲେ ଅଟାରୁ ସୁନ୍ଦର ବାସନା ଆସିଲେ ଓହ୍ଲାଇ ଦିଅନ୍ତୁ । ଚିନିରେ ୧ ଗ୍ଳାସ କିମ୍ବା ୧ ୧/୨ ଖଣ୍ଡେ ପାଣି ଦେଇ ସିରା କରନ୍ତୁ । ସିରା ଅଳ୍ପ ଅଠାଳିଆ ହୋଇ ଆସିଲେ ଅଟା ପକାଇ ଘାଣ୍ଟନ୍ତୁ । ସେହି ସମୟରେ କିମ୍ବା ଚିନି ସିରାରେ ଅଳେଇଚ ଲବଙ୍ଗ କୁଟି ପକାନ୍ତୁ । ଅଟାରେ ମସଲା ମିଶିଗଲେ ପଟା ଉପରେ କିମ୍ବା ଥାଳିରେ ଘିଅ ମାରି ମାରି ଓଜାଡ଼ି ଦିଅନ୍ତୁ । ସାଙ୍ଗେ ସାଙ୍ଗେ ଗରମ ଥିବା ଅବସ୍ଥାରେ ଚାରି ଚାରି କଣିଆ କାଟିଦିଅନ୍ତୁ । ଥଣ୍ଡା ହେଲେ କାଟିହେବନହିଁ ।

ପ୍ରସ୍ତୁତ :

ଏବେ ଜଗନ୍ନାଥବଲ୍ଲଭ ପ୍ରସ୍ତୁତ ହୋଇଗଲା । ଏହା ପ୍ରଭୁଙ୍କର ଛପନ ଭୋଗ ମଧ୍ୟରେ ସ୍ଥାନ ପାଇଛି ।

ନାଡ଼ି ଝିଲି

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରି ଡାଲିକୁ ୨/୩ ଘଣ୍ଟା ବତୁରାଇ ଧୋଇ ଶୁଖିଲା ଶୁଖିଲା ବାଟିରଖନ୍ତୁ । ଚିନିରେ ୧/୨ ଗ୍ଳାସ ପାଣି ଦେଇ ମୋଟା ସିରା କରି ରଖନ୍ତୁ । ବିରିବଟାରେ ଚାଉଳ ଅଟା ପକାଇ ଭଲ ଭାବରେ ଫେଣ୍ଟି ଦିଅନ୍ତୁ । ଫେଣ୍ଟିସାରି ମୋଟା କନାରେ ଛୋଟିଆ କାଜ କରି ଏଇ ଫେଣ୍ଟାରେ ଗୋଟେ ଗୁଳା ରଖନ୍ତୁ । କଡ଼ାଇରେ ଘିଅ ଗରମ କରି ଏଇ ଫେଣ୍ଟାକୁ ଜିଲାପି ପରି ମୋଡ଼ି ମୋଡ଼ି ଛାଣି ସିରାରେ ପକାଇ ଉଠାଇ ଅଲଗା ସାଇଜ କରି ରଖନ୍ତୁ ।

ପ୍ରସ୍ତୁତ :

ଏବେ ନାଡ଼ି ଝିଲ୍ଲୀ ପ୍ରସ୍ତୁତ ହୋଇଗଲା । ଏହାକୁ ଯଦି ସିରାରେ ନ ପକାଇବେ ତେବେ ଖାଲି ନାଡ଼ି କୁହାଯିବ । ଏହା ପ୍ରଭୁଙ୍କ ପାଖରେ ଭୋଗ କରାଯାଏ ।

ବିରି ଡାଲି ଓ ହରଡ଼ ଡାଲି ଡାଲମା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ବିରି ଡାଲି ୧ ଘଣ୍ଟା ଆଗରୁ ବତୁରି ଥିବା ଦରକାର । ବିରି ଡାଲି ବତୁରିଗଲେ ଧୋଇ ହରଡ଼ ଡାଲିକୁ ଧୋଇ ଏକାଠି ସିଝାନ୍ତୁ । ଡାଲି ଅଳ୍ପ ସିଝିବା ପରେ ପାରିବ ଧୋଇ ପକାନ୍ତୁ । ପରିବା ଅଧା ସିଝି ଆସିଲେ ନଡ଼ିଆ କୋରା, ଲୁଣ, ହଳଦୀ ଗୁଣ୍ଡ, ଅଦା ଛେଚା ପକାନ୍ତୁ । ଡାଲମା ସିଝିଗଲେ ଓହ୍ଲାଇ ଦିଅନ୍ତୁ । କଡ଼ାଇରେ ଘିଅ ଗରମ କରି ଫୁଟଣ ପକାଇ ବଘାରନ୍ତୁ । ଜିରା, ଗୋଲମରିଚ, ହେଙ୍ଗୁ ଟିକେ ପାନମଧୁରୀ ଶୁଖିଲା ଲଙ୍କା, ମେଥି କୁ ଭାଜି ଗୁଣ୍ଡ କରି ଡାଲମା ପରିମାଣ ଦେଖି ପାକନ୍ତୁ । ଡାଲମାକୁ ଫୁଟାଇ ଧନିଆ ପତ୍ର ପକାଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ବିରି ଡାଲି ଡାଲମା ହୋଇଗଲା । ପ୍ରଭୁ ଜଗନ୍ନାଥଙ୍କ ପାଖରେ ଭୋଗ ଲାଗେ ।

ଦହି ଛେନା ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଦହିରେ ଛେନାକୁ ମିଶାଇ ଦିଅନ୍ତୁ । ଛେନାକୁ ପୁରା ଚକଟିବେ ନାହିଁ ଅଳ୍ପ ଅଳ୍ପ ଗୋଳେଇ ଦେବେ । ଅଙ୍ଗୁର ଧୋଇ ଗୋଟା ପକାନ୍ତୁ । ସେଓକୁ ଛୋଟ ଛୋଟ କାଟି ପକାନ୍ତୁ । ଲୁଣ, ଚିନି, ଜିରାଗୁଣ୍ଡ, ମିଠା ବୁନ୍ଦି ପକାଇ ଗୋଳାନ୍ତୁ । ଯଦି ଅଧିକ ବହଳିଆ ହୋଇଯାଏ ତେବେ ୧ କପ କ୍ଷୀର ଦେଇ ଦେବେ ।

ପ୍ରସ୍ତୁତ :

ଏବେ ଦହି ଛେନା ପ୍ରସ୍ତୁତ ହୋଇଗଲା । କାର୍ତ୍ତିକ ମାସରେ ଜଗନ୍ନାଥଙ୍କ ନିକଟରେ ଏହା ଭୋଗ ଲାଗେ ।

ସୋଲା ଡାଲି ଛେନା ତରକାରୀ

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ପ୍ରଥମେ ଛେନାରେ ମଇଦା ପକାଇ ଚକଟା ସାରି କଡ଼ାଇରେ ଘିଅ ଗରମ କରି ଛେନାକୁ ଗୋଲ କିମ୍ବା ଚାରି କଣିଆ କରି ଛାଣି ରଖନ୍ତୁ । ବୁଟ ଡାଲିକୁ ଧୋଇ ସିଝାଇ ରଖନ୍ତୁ । ଧନିଆ, ଜିରା ଗୋଲମରିଚକୁ ବାଟି ରଖନ୍ତୁ । ନଡ଼ିଆକୁ କୋରି ରଖନ୍ତୁ । କଡ଼ାଇରେ ଘିଅ ଗରମ କରି ଫୁଟଣ କରନ୍ତୁ । ତାପରେ ବଟା ମସଲା ପକାଇ କଷନ୍ତୁ । ତା ଭିତରେ ହଲଦିଗୁଣ୍ଡ ଓ ଲୁଣ ପକାଇ କଷି ସୋଲାଡ଼ଲି ଓଜାଡ଼ି ଦିଅନ୍ତୁ । ନଡ଼ିଆ କୋରା ପକାଇ କିଚ୍ଛି ସମୟ ଫୁଟନ୍ତୁ । ଫୁଟି ସାରିଲେ ଛଣା ଛେନାକୁ ପକାଇ ଗୋଳାନ୍ତୁ । ଅଳ୍ପ ଫୁଟିଗଲେ ଧନିଆ ପତ୍ର ପକାଇ ଗୋଳେଇ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ଛେନା ସୋଲା ଡାଲି ପ୍ରସ୍ତୁତ ହୋଇଗଲା । ଏହା ପ୍ରଭୁଙ୍କ ନିକଟରେ ଭୋଗଲାଗେ-।

[ଅନ୍ୟାନ୍ୟ ନିରାମିଷ ଖାଦ୍ୟ]

ଲିମ୍ବ କଢ଼ ଡାଲମା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

କଡ଼ାଇରେ ତେଲ ଗରମ କରି ଫୁଟଣ, ଲଙ୍କା ଫୁଟାନ୍ତୁ । ତା’ ପରେ ଲିମ୍ବ କଢ଼କୁ ଧୋଇ ତେଲରେ ଭାଜନ୍ତୁ । ଅଳ୍ପ ଟିକେ ଭାଜି ଡାଲମାକୁ ଓଜାଡ଼ି କଷନ୍ତୁ । ଆଗରୁ ଡାଲମାରେ ଲୁଣ ପଡ଼ିଥିବ ତେଣୁ ଟିକେ ଲୁଣ ଦରକାର ହେଲେ ପକାଇ କଷନ୍ତୁ । କଷି କଷି ମେଞ୍ଚା ମେଞ୍ଚା ହୋଇଗଲେ ଓହ୍ଲାଇ ଦିଅନ୍ତୁ ।

ପ୍ରସ୍ତୁତ :

ଏବେ ପ୍ରସ୍ତୁତ ହୋଇଗଲା ଲିମ୍ବ କଢ଼ ଡାଲମା ।

ରସଗୋଲ ଖଟା

ଆବଶ୍ୟକ ସାମଗ୍ରୀ :

ପ୍ରସ୍ତୁତି ପ୍ରଣାଳୀ :

ଏକ ପାତ୍ରରେ ଦହି କୁ ଭଲ ଭାବରେ ଚାମଚରେ ଫେଣ୍ଟି ଦିଅନ୍ତୁ । ସେଥିରେ ଚଣା ମସଲା ପକାଇ ଗୋଳାନ୍ତୁ । ଲଙ୍କା ଗୁଣ୍ଡ ପକାନ୍ତୁ । ଲୁଣ ଓ ଚିନି ପକାନ୍ତୁ । ତାପରେ ତାକୁ ଭଲ ଭାବରେ ଗୋଳେଇ ଦିଅନ୍ତୁ । ତା ଭିତରେ ରସଗୋଲା ଗୁଡ଼ିକ ପକାଇ ଗୋଳେଇ ରଖନ୍ତୁ ।

ପ୍ରସ୍ତୁତ :

ଏବେ ପ୍ରସ୍ତୁତ ହୋଇଗଲା ରସଗୋଲା ଖଟା ।